No Duaduaem Pay (18)

Kunam kadi a maupayak

Nga aguray kenka

Iti ngalay ti dalan

Nga umayka kaniak iti panagsublim

Saan, saan, ituloyko a bilangen dagiti rabii Ti riniwriw nga iliw, gagar ken segga

Iti baet ti panagmaymaysak

Kadagiti dalan a mangisangbay koma kenka Kaniak ditoy dennak iti kawaw a darikmat Luaak man ti sardam, ala wen,

Sangitak man ti rabii iti nalimed a saibbek Uray saanmo a matimud ti dung-aw

Ti pusok a malmes iti sanaang Agbilangak pay iti aldaw ken tawen

Iti anninaw ken iti pakabuklam

Iti nangato a namnamak iti nabara a pammasungad A sumangpetka pay tapno tuntonenta ti rawis Ken alimpatok ti natenneb

Namsek iti pannakatubay ken pannakasubok Ti kinatibker ti karik kenka

Uray iti lelennekan ti init

Apagisunto ti sardam

A sallukobannata ti anem-em

Ti rabii nga inta panagmaymaysa.