Agkatawa ti Mayat

Ita Ta Ammokon ti Agluto

Ita ta ammokon ti agluto Maay-ayo unayen ni nanangko Mabmabsog met ni tatangko Kadagiti potahe nga idasdasarko.

Iti agsapa, innapuy a kinirog Naasmangan iti prinito nga itlog Adda pay dalangdang a bunog Nasussustansia ngem hotdog.

Iti met tengnga ti aldaw Inabraw a bumirawbiraw Pinakbet no adda maisagpaw A bagnet, nabilag a padaw.

No madanon met ti sardam Anusanda ‘tay nadiguan ‘Tay tinola a kamanokan No awan maanger a tultulang.