Tambag Alang Sa Bag-ong Mga Agrikulturista

DILI pa lang dugay gidapit mi isip pinasidunggang mamumulong sa oath taking sa mga nakapasar sa Agriculturist Licensure Examination nga gipahigayon niadtong miaging Hunyo. Ang pagpanumpa gipahigayon niadto lang Agosto 10, 2015. May gihangyo si Gonzalo Catan, Jr, usa sa mga board member sa Board of Agriculture, ang ahensiyang naghatag og pasulit aron mamahimong sertipikadong agrikulturista ang mga gradwado. Matod niya nga hatagan kuno nako ang bagong mga agrikulturista og inspirasyon pinaagi sa pagpahat og mga anekdota labot sa mga nagmalamposon sa natad sa panguma.

Angay gayod nga madasig ang mga batanong nakahuman sa kursong agrikultura nga maningkamot aron palamboon nila ang mga umahan sa nasod nga makab-ot ang igong pagkaon alang sa mga Pilipinhon. Labaw pa niana, angay nga makaeksport sab ang atong nasod og mas daghan pang produktong agrikultural.

Sulod sa dugay nang panahon namong pakighinasa ug pakighinabi niadtong malamposong mga mag-uuma, adunay talagsaong mga mithi nga among namatikdan. Ang mosunod nga among hisgotan parehas rang mahinungdanon.

MAY NAHIBAW-AN SA PAMATIGAYON – Ang usa ka malamposong mag-uuma nag-isip sa panguma nga usa ka patigayon. Buot ipasabot, giplano niya ang iyang proyekto. Gilista niya ang mga gasto ingon man ang kita aron sa kataposan masumada niya kon naalkanse ba siya o mikita.

KUGIHAN UG MAY POKUS – Kon siya nakapili na ug nasugdan na ang iyang proyekto, andam siyang motrabaho sa taas nga panahon. Ibubo niya ang kinatibuk-ang atensiyon ngadto sa iyang trabaho. Sento porsento ang pukos niya sa panguma.

MAANTIGONG MAGTIGOM – Ang malamposong mag-uuma maantigong magtigom. Dili mag-usik og salapi sa way kapuslanang mga butang. Patuyokon ang tinigom aron mas molambo pa ang proyekto. Ang buot ipasabot, palihokon ang tinigom nga salapi.

Pananglitan, adunay bag-ong kinasal nga nahinabi namo sa Isabela. Ilang gisaad sa ilang kaugalingon nga ang tanan nilang kita sa tanom nilang mais gikan sa usa ka ektaryang yuta nga hinatag sa amahan sa lalaki dili nila gastohon alang sa panginahanglan sa panimalay. Ila ning lainon ug gamiton kon dunay iprendahay o ibaligyaay nga yuta nga mahimong katamnan og

Si Dr. Fortunato Battad nga maoy tsirman sa Board of Agriculture nga maoy naghatag sa eksaminasyon sa mga agrikulturista.

Si UPLB Dean Enrico Supangco nga mipahalipay sa usa sa mga topnotcher sa pasulit sa mga agrikulturista.