Duterte-Cayetano: Mga obrero dili pabayron og buhis
KANIADTONG Disyembre 17 gidawat na sa Comelec ang COC kun Certificate of Candidacy ni Davao City Mayor Rodrigo Duterte busa opisyal na siya nga kandidato pagka presidente sa nasod. Gidawat sa Comelec ang COC ni Duterte isip substitute presidential candidate sa PDP-Laban nga si Martin
sa SI Davao City Mayor Rodrigo “Rody” Duterte nga usa sa mga aspirante sa pagka presidente ug si Senate Majority Leader Alan Peter Cayetano nga maoy iyang bise nagtinguha nga dili na pabayron og buhis ang mga mamumuo nga mingkita lang og P20,000 paubos kada buwan.
Matod nila ni Duterte ug Cayetano, usa ka sakripisyo alang sa mga regular wage earner ang pagbayad og taas nga buhis.
Miingon sab si Cayetano nga bisan og panahon na sa Pasko pero wala pa gihapoy nakitang kausaban ang katawhan sa tax system sa nasod. Ug midugang pa siya nga kadtong mga gagmay lang ang income angayng gamay ra sab ang bayran nga buhis.
Ang maong balaoron, matod gihapon ni Cayetano, magdulot og “economic empowerment” alang sa ordinaryong mga mamumuo.
Sumala sa National Wages and Productivity Commission (NWPC), ang gitawag og “family living wage” sa National Capital Region (NCR) anaa sa P917 per day o P27, 510 monthly busa kulang pa ang P20,000 nga binuwang kita sa usa ka mamumuo ilabi na kon kuhaan pa og buhis.
Panahon na aron sagopon sa kasamtangang administrasyon ang ilang (Cayetano) balaoron isip tabang sa mga mamumuong Pilipino. Ug bisan naghinapos na ang administrasyong Aquino, dili pa ulahi aron kapangitaan og paagi nga mapaubsan ang taas nga buhis sa Pilipinas. – TNB