Mirror Of Fortune

PISCES – (Pebrero 20 – Marso 20) – Mabayaran mo na ang imong nautang. Makamao ka nang magdaginot. Pangandaman mo ang dakong galastohan. Matapos na ang gikontrata mong trabaho. Adunay motanyag kanimo nga lisod mong kabalibaran. Kusog ang imong sex appeal. Miyerkoles ang suwerte mong adlaw ug 3, 2, 4 ang palaran mong numero. ARIES – (Marso 21 – Abril 20) – Niining semanaha mokusog ang order sa bag-o mong produkto. Magmalamposon ang imong anak sa iyang pagpanarbaho. Mahamugaway na ang imong kahimtang. Di mo angayng tagdon ang mga tsismis sa palibot. Makadani ang pahiyom. Suwerte mong adlaw ang Martes ug palaran mong numero ang 5, 3, 6. TAURUS – (Abril 21 – Mayo 21) – Matapos na ang nataligam-an mong trabaho. Magpadayon ka sa imong pagmadasigon kay adunay promosyon nga naghulat alang kanimo. Daghan ang mosundog sa imong mga pamaagi sa panguma. Makahibalag kag binuhat nga mounong kanimo. Biyernes ang suwerte mong adlaw ug 7, 1, 3 ang palaran mong numero. GEMINI – (Mayo 22 – Hunyo 21) – Niining semanaha mabalik ang pagsalig mo sa imong kaugalingon. Makadawat kag pasidungog sa imong naangkong kalamposan. Dako ang tsansa nga makabiyahe ka sa layo. Matuman na ang imong gipangandoy. Makaaghat ang pangidhat. Suwerte mong adlaw ang Domingo ug palaran mong numero ang 5, 6, ug 9. CANCER – (Hunyo 22 – Hulyo 22) – Mapasangkad mo ang imong tingusbawan. Mopatigbabaw ang imong baroganan. Moapil kang magpakabana sa kalihokang tsaritabol. Daghan ang makabenepisyo sa inyong gihatag nga serbisyo. Makapakurog ang masinating kalalim. Huybes ang suwerte mong adlaw ug 4, 2, 6 ang palaran mong numero. CAPRICORN – (Disyembre 22 – Enero 21) – Mahapsay na ang imong eskedyul. Unahon mo ang labing importante. Makadawat kag pasidungog sa maayong rekord nga imong makab-ot. Makapasina ang imong kadaogan. Makamatngon ka sa imong kasaypanan. May masiplatan kang makapadani ang pamarog. Biyernes ang suwerte mong adlaw ug 5, 4, 8 ang palaran mong numero.