UNSAON PAGHIMO ANG NATA DE COCO

7. Human masagol og maayo, ilain ang lima ka litrong mother liquor nga gamiton sa mosunod pang pagbuhat og nata de coco. Ibutang kini sa usa ka malinis nga baldeng plastik, takban og mantalaan ang baba sa balde ug higtan aron dili makasulod ang hugaw ug mga insekto. Itago kini sulod sa tulo hangtod lima ka adlaw. Magbuhat pag-usab og nata una moabot ang ikalimang adlaw pinaagi sa gilain nga mother liquor.

8. Ibutang ang sinagol nga ingredyent sa usa ka esterilisadong fermenting container o hulmahan. Ipabilin ang 2-3 ka sentimetrong gibag-on sa usa ka kasarangang sudlanan.

9. Takban ang butanganan sa papel ug butangan og lastiko o rubber band aron dili matangtang ang papel nga gitakob. Mahimong ipatong-patong ang mga sudlanan aron makamenos sa espasyo. Ibutang kini sa usa ka lawak nga wala kaayoy hangin, mahayag ug ipabilin ang temperature sa 28 hangtod 32 sentigrado. Seguroon nga dili kini malihok-lihok o matandog sulod sa 9 hangtod 10 ka adlaw. Sa sulod sa 9 hangtod 10 ka adlaw, ang natibuok nga nata sa hulmahan may 1 hangtod 1.5 pulgada na ang kabag-on. Mahimo na kining anihon. Dili angay palapason sa 10 ka adlaw ang pag-ani sa nata aron dili kini mopula. Pag-ani sa Nata de Coco ANG de kalidad nga nata hamis ang ibabaw, haknot ang unod, ug puti ang kolor. Kon daghan ang nata nga naani ug dili dayon maluto, mahimo kining hiposon. Magbutang og daghang tubig sa usa ka dakong sudlanan ug anhi ihumol ang nata. Seguroon lang nga ilisan ang tubig kada adlaw aron dili mopula o mapan-os ang nata.

1. Linisan una ang nata pinaagi sa pagkuha sa mga kremang midukot sa lainlaing parte niini. Gamiton ang usa ka kiniskisan nga kawayan sa pagkuha.

2. Hiwa-hiwaon og kuwadrado ang nata kadak-on.

3. Ihumol ang nata sa tubig sulod sa usa o duha ka adlaw. Ilisan ang tubig og kadaghan aron makuha ang aslom nga baho.

4. Pagkahuman sa usa o duha ka adlaw, haonon ang nata gikan sa pagkahumol.

5. Pabukalan ang nata sa tubig sulod sa 4 hangtod 10 ka minuto. Human niini, mahimo na kining gamitong sangkap sa tinam-isang nata de coco gikan sa sabaw sa lubi. (PADAYONON) sa buot nga