MGA MARCOS, GOBYERNO GIPATUBAG SA MARCOS BURIAL

Bisaya - - Stairway Of Love -

GIPATUBAG sa Korte Suprema ang kagamhanan ug ang pamilyang Marcos bahin sa hangyo sa pipila ka petisyoner nga kuhaon gikan sa Libingan Ng Mga Bayani ang haya o patayng lawas ni kanhi Presidente Ferdinand E. Marcos.

Pagkahuman sa en banc session sa mga mahistrado, miingon si Atty. Theodore Te sa press briefing nga gimandoan sa Supreme Court ang Office of the Solicitor General ug ang pamilyang Marcos sa pagduso og komento sa gi- file nga motion for reconsideration nila ni Albay Cong. Edcel Lagman ug Satur Ocampo sa Bayan Muna.

Napulo ka adlaw ang gihatag nga tagal sa Korte Suprema aron makaduso sa ilang komento ang mga hingtungdan.

Lakip sa mga mingduso og motion for reconsideration nga naghangyo nga mabalit-ad ang unang desisyon sa hukmanan nga mipabor sa pagtugot sa Executive Department nga ilubong ang patayng lawas ni Marcos sa Libingan ng mga Bayani mao si Neri Colmenares.

Miingon ang mga petitioner nga dili hustong himoong basehan sa Korte Suprema sa ilang desisyon ang AFP Regulations nga pasikaran nga ilubong si Marcos sa LNMB tungod kay wala kiniy epekto o bias kay wala kini marehistro sa National Administrative Registrar of the University of the Philippines Law Center sumala sa Administrative Code of 1987. – TNB

Newspapers in Cebuano

Newspapers from Philippines

© PressReader. All rights reserved.