Mirror Of Fortune
(ANG INYONG KAPALARAN SA ENERO 18 – 24, 2017)
PISCES – (Pebrero 20 – Marso 20) – Niining semanaha ikahikling mo ang kahingawa nga nakasamok sa imong hunahuna. I- focus mo ang imong konsentrasyon sa imong trabaho. Ang malig-on mong kahimatngon maoy mohatag og giya sa kinabuhi. Mainit ang romansa. Suwerte mong adlaw ang Lunes ug palaran mong numero ang 8, 1, 9.
ARIES – (Marso 21 – Abril 20) – Angayng patalinghogan mo ang gitambag sa imong inahan. Hinumdomi nga ang pagbasol anaa sa kaulahian. Makataronganon ang gihimo mong lakang. Ayaw lamang pag-abuso sa imong posisyon. Bation kag kapiskay human sa romansa. Martes ang suwerte mong adlaw ug 7, 3, 6 ang palaran mong numero.
TAURUS – (Abril 21 – Mayo 21) – Niining semanaha makaumol kag desisyon nga lisod tuison. Praktikal ang gamiton mong paagi apan segurado ang resulta. Lig-onon mo lang ang imong pagsalig sa Ginoo aron di ka mapakyas. Atubangon mo ang hagit sa tentasyon. Suwerte mong adlaw ang Huybes ug palaran mong numero ang 5, 9, 2.
GEMINI – (Mayo 22 – Hunyo 21) – Moabot ang wala mo damhang bisita. Makatabang siya sa imong gisagubang nga suliran. Ayaw pagpadala sa imong kahuyang. Kinahanglan nga positibo ka sa imong panlantaw sa kinabuhi. Mabihag kas matentalong pahiyom. Sabado ang suwerte mong adlaw ug 6, 3, 8 ang palaran mong numero
CANCER – (Hunyo 22 – Hulyo 22) – Niining semanaha makatugkad ka sa dagan sa sitwasyon. Kinahanglan nga magdaginot ka aron makasalbo ang gamayng suweldo sa imong kapikas. Mangita kag paagi nga makaabag sa panginabuhi. Halandomon ang panagtagay sa himaya. Suwerte mong adlaw ang Biyernes ug palaran mong numero ang 9, 4, 1.
CAPRICORN – (Disyembre 22 – Enero 21) – Niining semanaha mogaan ang pamatyag sa imong buot. Makamao ka nang molugway sa imong pasensiya. Motambong kag usa ka tinuhoanong tigom. Makakuha kag pagtulunan niini. Analisahon mo ang karakter sa imong gihalaran. Suwerte mong adlaw ang Domingo ug palaran mong numero ang 2, 4, 1.
LEO – (Hulyo 23 – Agosto 23) – Daghan ang gustong mangayo sa imong tambag. Epektibo man god ang imong mga diskarte. Ideyalistik ang imong panugkad apan praktikal ang imong disposasyon. Daghan ang mohugop kanimo. Makapiyong kas sobrang kalami. Miyerkoles ang suwerte mong adlaw ug 8, 2, 7 ang palaran mong numero.
VIRGO – (Agosto 24 – Septiyembre 23) – Niining semanaha hatagan mog laing tsansa ang imong anak. Paminawon mo ang iyang pangatarongan. Nakita mo ang iyang potensiyal apan madala lang siya sa kalinghod sa iyang edad. Dunganan mog hangos ang katugbang. Suwerte mong adlaw ang Martes ug palaran mong numero ang 3, 5, 6.
LIBRA – (Septiyembre 24 – Oktubre 23) – Tun-an mog maayo ang proposisyon sa imong kasosyo. Di ka angayng mokompiyansa. Lisod nag mabentahaan ka. Hinumdomi nga ang kaligon sa baroganan bililhon sa pagpakig-atubang sa hagit. Inspirado ka human sa romansa. Domingo ang suwerte mong adlaw ug 4, 6, 8 ang palaran mong numero.
SAGITTARIUS – (Nobiyembre 23 – Disyembre 21) – Patigbabawon mo ang imong disposasyon kaysa imong emosyon. Di mapiog ang imong prinsipyo. Barogan mo ang imong desisyon kaysa magpadala kas hulhog sa ubang tawo. Itungas mo sa pungkay sa himaya ang mahal mo. Huybes ang suwerte mong adlaw ug 7, 2, 5 ang palaran mong numero.
SCORPIO – (Oktubre 24 – Nobiyembre 22) – Niining semanaha mobihag sa imong interes ang bag-o mong makat-onan. Itingob mo ang imong panahon sa pag-utingkay sa importanteng impormasyon. Di ka angayng maulahi sa imong report. Panington ka pagabot sa himaya. Suwerte mong adlaw ang Lunes ug palaran mong numero ang 1, 9, 2.
AQUARIUS – (Enero 22 – Pebrero 19) – Makigtinabangay ka aron masulbad ang nakahasol nga problema sa pamilya. Gamitan mog diplomasya aron mohatag og maayong suhestiyon ang tanan. Magmabungahon ang imong paningkamot. Matagbawon ang romansa. Miyerkoles ang suwerte mong adlaw ug 3, 6, 4 ang palaran mong numero.