BISAYA HITS SONGHITS:

LAING SALINGSING SA PADAYONG PAGLIPANG SA MUSIKANG BISDAK

YAWARTS ra, tsoya god! Mao niy kasagarang reaksiyon sa mga bag-ong makadungog nga sa dili madugay, ilusad sa kataposang semana sa buwan sa Pebrero ning tuiga ang usa ka Binisayang songhits nga ginganlag Bisaya Hits Songhits nga mahinamong giatngan karon sa kadaghanan ilabi na sa mga batan-on sa Kabisay-an ug Mindanao nga may hilig sa mga kantang Binisaya.

Labing seguro, kini maoy pinakauna sa kasaysayan sa mga kalihokang nanginlabot sa pagpalambo ug pagpalipang sa arteng Bisaya partikular sa musika. Kay naa na man tingali ang tanang medyum nga nag-unod sa gimahal tang pinulongang Binisayang Sinugboanon sama sa libro, magasin, tabloid o mantalaan ug daghan pa pero nungka nga dunay songhits nga nag-unod sa mga kantang Binisaya.

Ang ideya sa pagpatik og usa ka Binisayang songhits maoy agig pagnunot sa mas milagsik pa nga kisaw karon sa mga obrang Binisaya nga pop ug rock songs nga giabayan usab sa mga FM station sa Sugbo diin ang tagsa ka oras nga gigahing time slot adtong una giinat na karon ngadto sa tulo ka oras matag adlaw nga pagpalanog og mga kantang Binisaya. Ang Brigada FM ug Retro FM sa Dakbayan sa Sugbo maoy duha lamang sa mga estasyon nga nagdugang og taas-taas nga oras nga ilang gigahin pag- air play sa mga komposisyong Bisdak.

Kahinumdoman nga niadto pang tuig 2010 unang nahimugso ang ideya sa pagpatik og usa ka songhits nga Binisaya pero wala kini matigayon adtong panahona gumikan sa aspetong pinansiyal nga ipuhunan. Si Nash Maquiling, ang batan-ong songwriter ug bokalista sa sikat nga bandang Assembly Language maoy nagporsegir nga matigayon ang pagprodyus ining Bisaya Hits Songhits nga mag-unod sa pulos Binisayang mga kanta.

Niadto untang buwan sa Nobiyembre sa miaging tuig 2016 ang gikatakdang paglusad sa maong songhits pero nauswag kini ngadto sa sayong bahin ning tuig 2017 gumikan kay wala pa makompleto ang makuting pagproseso sa tanang legal nga mga dokumento nga gikinahanglan kaayo aron makaangkon og pagtugot gikan sa lokal nga kagamhanan.

Ikaduhang kakulian nga wa dayon makabuylo ang pagpatik sa nahisgotang songhits mao ang pagkadelatar usab sa pagkahuman sa bag-ong gitukod nga bilding nga nahimutang sa Brgy. Mabolo, Dakbayan sa Sugbo diin nagreserba og abangang puwesto ang Lemmonhead Records & Publishing nga maoy moprodyus sa ilusad nga Bisaya Hits Songhits.

Sama sa ubang mga nagsugod, gipaabot nga makasugat unyag daghang mga pagsuway ang Bisaya Hits Songhits sa di pa kini hingpit nga makaabot sa girumbong tumong niini nga makatampo sa pagpalipang sa arteng Bisaya diha sa natad sa musika.

Gani, karon pa lang, ambot og sa unsang rason nga may usa man ka inilang personahe sa industriya sa musika sa Sugbo nga misuway pagbaraw sa kaikag niining pagpatik og usa ka songhits nga Binisaya. Pero klarong pagsuway lang kini. Ang nag-alintabong kainit sa kinabagang kabatan-onan nga nagpadangat sa ilang suporta sa ilusad nga Binisayang songhits maoy nagsugnib og dugang dangilag nga wala nay makapugongmaka pa sa paggitib ning laing salingsing nga timaan sa padayong paglipang sa arte sa musikang Bisdak.

GipaabotGip nga mas maglabi unyang iunod sa BisayaBisay Hits Songhits ang ugba sa sikat nga mga kantangkan Bisrock pero dili usab limitado ang espasyoesp niini sa pop, novelty ug klasikong mga BinisayangBi tinagik. Sa laktod, dili kay lunlon BisrockBi songs ra ang sulod nga unod sa Bisaya Songhits,So kondili, lakip na ang bag-o ug karaang mgam Binisayang awit apan kini nagdepende na langlan unya sa pagtugot gikan sa mga nanag-iya sa eksklusibong katungod pinasikad sa balaod nga may kalabotan sa tinagik nga mga Binisayang obra.obra

AngAn Bisaya Hits Songhits iprodyus sa LemmonheadLemmon Records & Publishing diin ang batanong si Nash Maquiling mao mismoy milingkod isip CEO kun Chief Exe Executive Officer.—