Bisaya

DUTERTE NGADTONG ALEJANO: “SIGE, IDEMANDA AKO”

-

GIPAHAYAG ni Presidente Rodrigo Duterte nga wala siyay pagsupak sa plano ni Magdalo Partylist Rep. Gary Alejano nga isang-at niya (Alejano) ang reklamo niini ngadto sa Internatio­nal Criminal Court (ICC) ang nabasurang impeachmen­t complaint sa Kamara.

“He (Alejano) can go ahead. He is free to do it. This is a democracy.”

Sa media interview sa Davao City Internatio­nal Airport gikan sa Beijing, China, miingon si Duterte nga anaa kita sa demokrasya busa gawasnon si Rep. Alejano sa plano niining ipaabot sa ICC ang iyang reklamo.

Wala kunoy kuwenta ang unod sa impeachmen­t complaint ni Alejano mao nga gibasura kini sa House Committee on Justice gumikan sa ‘insufficie­ncy in substance’.

Ni Duterte pa usab, mayor pa lang siya sa Davao City giimbestig­ar na siya sa Commission on Human Rights (CHR) nga gipanguloh­an kaniadto ni Sen. Leila de Lima, ug gani hasta sa Senado nag-imbestigar sab sila si de Lima ug Sen. Antonio Trillanes IV.

Gipahimug-atan ni Duterte nga walay napamatud-an ang mga nag-imbestigar sa isyu sa extra judicial killings nga giingon nga nalambigit si Duterte.

“Look, I was investigat­ed by the Human Rights when Delaila [De Lima] was still the chairman. I was investigat­ed again when she was the Justice secretary. Then I was investigat­ed again by the Senate and I was investigat­ed again by the House. Ano pa bang gusto nila,” dugang ni Duterte.

“I… Some, you know… Some guys are being taken for a ride a thousand times over. Totoo ‘yang may namatay anak ng… Ano ba namang gyera sa droga na walang namatay? Pero not in the character and kind that I was dished out ‘yung mag-utos ng ganun pati bata. Kalokohan ‘yon. Kilala man ninyo ako,” nagkanayon ang presidente.— TNB

 ??  ??

Newspapers in Cebuano

Newspapers from Philippines