PAMILYA NI SYLVIA SANCHEZ MAS NAINILA SA PAGSIKAT USAB SA DUHA KA ANAK
AKTIBONG akres si Sylvia Sanchez sukad pa kaniadtong 1988. Natawo nga si Jossette Campo nga taga Nasipit, Agusan del Norte, nagminyo kang Arturo Atayde kaniadtong 2004 nga batan-on pa kaayo nga nailhan na sa iyang pagka artista.
Sa ilang kaminyoon, natawo si Juan Carlos “Arjo Atayde”, ang kamagulangan niyang anak kinsa maoy kontrabida sa teleseryeng “FPJ, Ang Probinsiyano”. Gisundan kini ni Maria Sophia “Ria Atayde” nga bida usab karon sa teleseryeng “Dear Heart” isip si Doc Guia; ug ang mga manghod nilang si Maria Angela “Gela” ug si Juan Arturo Xavier “Xavi “. May usa pa siya ka anak nga babaye nga si Pia Marie sa nahiuna niyang relasyon.
Anak si Sylvia sa usa ka retiradong seaman nga si Robert Campo ug nagsugod nga usa ka seksing aktres nga nagmalamposon kinsa giila karon nga usa sa mga sikat nga artista sa Pilipinas.
Tungod sa kadaghang pelikula ug tv show nga iyang naapilan sukad pa kaniadtong 1988, hisgotan na lang nato ang pipila niini ug ang mga pasidungog nga iyang naangkon. Ang labing una niyang lilas mao ang “Nympa Sa Putikan” sa Emperor Films; “Kahit Ako’y Tupang Itim, May Langit Din”; “Hot Summer’ sa Regal Films; “M&M, The Incredible Twins” sa Viva Films; “Angel Criminal” sa El Niño Films ug daghan pa.
Ang mosunod mao ang pipila ka pasidungog nga nadughit ni Sylvia:
1992 18th Metro Manila Film Festival: Best Supporting Actress “Takbo... Talon... Tili!!!”; 1997 11th PMPC Star Awards for Television: Best Single Performance by an Actress “Calvento Files”; 2012 26th PMPC Star Awards for Television: Best Single Performance by an Actress MMK “Aswang”; 2013 Golden Screen TV Awards: Outstanding Performance by an Actress in a Single Drama/Telemovie Program ‘Untold Strories: Kahit Ako’y Mangmang”; 2015 31st PMPC Star Awards for Movies: Movie Supporting Actress of the Year “The Trial” ug 63rd FAMAS Awards Best Supporting Actress: “The Trial”.—