Mirror Of Fortune

(ANG INYONG KAPALARAN SA HUNYO 7 – 13, 2017)

PISCES – (Pebrero 20 – Marso 20) – Mahinayon na ang imong pag-apil sa usa ka pasundayag. Daghan ang malingaw sa kaanindot sa imong perpormans. Mabaid pa ang imong talento pinaagi sa makanunayon mong pagpraktis. Maanod kas makapagilok nga dalit sa hapuhap. Sabado ang suwerte mong adlaw ug 3, 4, 6 ang palaran mong numero. ARIES – (Marso 21 – Abril 20) – Niining semanaha mausab ang ipakanaog mong desisyon. Di ka angayng magpadala sa imong emosyon. Ipatigbabaw mo ang imong kaligdong. Makaanig respeto ang lig-on nga baroganan. Masum-ok kag relasyon nga molahutay sa hangtod. Suwerte mong adlaw ang Huybes ug palaran mong numero ang 9, 5, 8. TAURUS – (Abril 21 – Mayo 21) – Magpakabana ka na sa kalihokan sa simbahan. Maagni mo na sa pagsimba ang imong ugangan. Mokuyog ka na sa pagsangyaw sa Maayong Balita. Dako nag kausaban ang imong igsoon. Himoon ka niyang ehemplo. Matagbawon ang romansa. Domingo ang suwerte mong adlaw ug 2, 7, 3 ang palaran mong numero. GEMINI – (Mayo 22 – Hunyo 21) – Niining semanaha hulipan mo ang imong pagkulang sa pamilya. Mokuyog ka sa pagpanuroy. Di ka na magpulaw sa pagkuyog sa imong barkada. Magmaligdong ka na sa imong obligasyon. Pahinuntan mo ang kagustohan sa imong kapikas. Suwerte mong adlaw ang Sabado ug palaran mong numero ang 9, 3, 4. CANCER – (Hunyo 22 – Hulyo 22) – Alingahon mo ang bag-ong gisangon nga trabaho. Dupot kang motuman sa imong katungdanan. Ayaw pagligoy-ligoy kay may promosyon nga giandam alang kanimo. Magmabungahon ang imong pagpaningkamot. Mainit ang romansa. Miyerkoles ang suwerte mong adlaw ug 5, 8, 2 ang palaran mong numero. CAPRICORN – (Disyembre 22 – Enero 21) – Makadaog ang gitampo mong sugilanon. Lisod sundogon ang imong estilo sa pagsulat. Walay makababag sa imong kalamposan. Ayaw paglugak sa imong pagpaningkamot. Di mapiog ang imong baroganan. Makalikay ka sa tentasyon. Martes ang suwerte mong adlaw ug 8, 1, 6 ang palaran mong numero. LEO – (Hulyo 23 – Agosto 23) – Niining semanaha madan-agon ang imong bituon. Mopaundayon ang paborableng kahigayonan kanimo. Adunay mopahulam kanimog puhunan aron mokusog ang imong negosyo. Moasenso ka tungod sa imong batasan. Kusog kag karisma. Suwerte mong adlaw ang Biyernes ug palaran mong numero ang 7, 1, 6. VIRGO – (Agosto 24 – Septiyembre 23) – Lugwayan mo pa ang imong pasensiya. Gamitan mog diplomasya sa pagpanton ang siaw mong manghod. Dako ang tsansa nga magbag-o siya sa iyang hiwi nga batasan. Makaangkon og positibong resulta ang imong plano. Mainit ang romansa. Martes ang suwerte mong adlaw ug 4, 5, 7 ang palaran mong numero. LIBRA – (Septiyembre 24 – Oktubre 23) – Niining semanaha mapalapdan ang imong kahibalo. Ipaambit mo sa uban ang imong nakat-onan. Malalangon ang imong imahinasyon. Mosapigad sa imong handurawan ang masadyang kagahapon. Makigdungan ka pagtungas sa pungkay sa himaya. Suwerte mong adlaw ang Domingo ug palaran mong numero ang 8, 3, 9. SAGITTARIUS – (Nobiyembre 23 – Disyembre 21) – Niining semanaha makaanig pagdayeg ang imong mga obra. Daghan kag madawat nga pahalipay gikan sa inilang mga kritiko. Magpadayon ka sa pag-ugmad bisan sa kasako sa imong trabaho. Masabtan mo ang mensahe sa kidhat. Suwerte mong adlaw ang Lunes ug palaran mong numero ang 3, 2, ug 7. SCORPIO – (Oktubre 24 – Nobiyembre 22) – Niining semanaha masugdan na ang bag-o mong proyekto. Daghan kag matabangan nga makatrabaho. Mogahin kag panahon alang sa simbahan. Maagni mo na sa pagsimba ang imong mga anak. Makalunhat ang dalit sa salohang romansa. Suwerte mong adlaw ang Domingo ug palaran mong numero ang 3, 6, 9. AQUARIUS – (Enero 22 – Pebrero 19) – Niining semanaha matuman na ang imong gitinguha. Ipadayon ang imong pagka makugihon. Ayaw kalimot sa pagsuportar sa imong mga ginikanan. Dunggon na ang imong pangaliya sa Kahitasan. Makapiyong ka sa dalit sa kalalim. Suwerte mong adlaw ang Domingo ug palaran mong numero ang 7, 5, 9.