Mirror Of Fortune
(ANG INYONG KAPALARAN SA HUNYO 21 – 27, 2017)
PISCES – (Pebrero 20 – Marso 20) – Niining semanaha daghan ang mahingag sa bag-o mong produkto. Makalahutay ka na sa kompetensiya. Mobinag kag hinabang sa kabos mong kaigsoonan. Makadawat kag pasidungog sa imong kabuotan. Madani kas aghat sa pasiplat. Suwerte mong adlaw ang Huybes ug palaran mong numero ang 7, 8, 9.
ARIES – (Marso 21 – Abril 20) – Makalikay ka sa disgrasya tungod sa imong pagka matuohon. Likayan mo nga di ka maapil sa usa ka kontrobersiya. Dako ang purohan nga matuman ang imong pangandoy nga makalingkawas ka sa kalisod. Dugosnon ang romansa. Domingo ang suwerte mong adlaw ug 4, 5, 6 ang palaran mong numero.
TAURUS – (Abril 21 – Mayo 21) – Niining semanaha makapupo kag matulun-anong kasinatian nga mahimong gabayan sa kinabuhi. Di ka angayng magpatuyang sa imong kakursonada sa emosyon. Sabton mo ang mga detalye sa sitwasyon. Magmabulokon ang gugmahanon mong kinabuhi. Suwerte mong adlaw ang Sabado ug palaran mong numero ang 3, 9, 7.
GEMINI – (Mayo 22 – Hunyo 21) – Magpabilin kang moserbisyo sa simbahan bisan sa mga paniba sa imong mga silingan. Hingpit na ang imong hukom nga mosunod ka kang Hesukristo. Buligan sa paborableng kahigayonan ang imong pagpanglimbasog. Tabunok ang romansa. Lunes ang suwerte mong adlaw ug 5, 4, 8 ang palaran mong numero.
CANCER – (Hunyo 22 – Hulyo 22) – Niining semanaha hatagan mog prayoridad ang importanteng eskedyul. Di ka na mag-usik og panahon. Sundan mo ang lakat sa paborableng kahigayonan. Walay makabalda sa imong gitinguha. Makapalunhat ang mensahe sa kidhat. Suwerte mong adlaw ang Miyerkoles ug palaran mong numero ang 7, 8, 1.
CAPRICORN – (Disyembre 22 – Enero 21) – Niining semanaha alingahon mo ang laing interes nga makadugang sa imong abilidad. Ugmaron mog maayo ang imong talento sa arte. Mamatikdan sa mga hanas ang imong lahing estilo. Makigsalo ka sa makapahigalam nga romansa. Suwerte mong adlaw ang Martes ug palaran mong numero ang 8, 4, ug 7.
LEO – (Hulyo 23 – Agosto 23) – Masabtan mo ang sinipatan sa imong ugangan. Ipadayon ang imong plano alang sa mabungahong umaabot. Doblehon mo pa ang imong kakugi aron makasugakod ka na pagpanginabuhi. Mabulokon ang relasyon tungod sa mainitong pagminahalay. Huybes ang suwerte mong adlaw ug 5, 2, 9 ang palaran mong numero.
VIRGO – (Agosto 24 – Septiyembre 23) – Niining semanaha makakat-on kag trabaho nga makadugang sa imong kinitaan. Kinahanglan nga makamao ka nang magbadyet kay daghan ang galastohan. Magmatunhayon ang dagan sa karera. Makawiwili ang dalit sa romansa. Suwerte mong adlaw ang Biyernes ug palaran mong numero ang 8, 4, ug 2.
LIBRA – (Septiyembre 24 – Oktubre 23) – Makapahimuot ang dakong kausaban sa imong anak. Dupot na kining magtuon sa iyang mga leksiyon. Gidungog ang imong pag-ampo sa Kahitas-an. Alingahon mo ang imong pagserbisyo sa simbahan. Pangiliwon mo ang dugosnong gasa sa gugma. Domingo ang suwerte mong adlaw ug 3, 7, 5 ang palaran mong numero.
SAGITARRIUS – (Nobiyembre 23 – Disyembre 21) – Bahinon mo ang imong panahon sa pagtuman sa imong obligasyon. Di mo kalimtan ang paggahin og oras alang sa pag-ampo. Di ka magmakuli sa pagtudlo sa uban sa imong nakat-onan sa gitambongang seminar. Mainit ang romansa. Lunes ang suwerte mong adlaw ug 9, 2, 1 ang palaran mong numero.
SCORPIO – (Oktubre 24 – Nobiyembre 22) – Niining semanaha gikinahanglan mo ang saktong pagpahulay. Sundon mo ang gitambag sa doktor. Makabaton kag malinawong hunahuna human sa imong pag-eksersays. Positibo ang imong pangagpas. Talagsaong romansa ang imong masinati. Suwerte mong adlaw ang Sabado ug palaran mong numero ang 6, 8, 2.
AQUARIUS – (Enero 22 – Pebrero 19) – Makaagpas na ang imong paningkamot sa imong panginahanglan. Moduyog kanimo ang maayong kahigayonan. Kinahanglan nga molingi ka sa imong giguknatan. Padayon sa imong pagka manggihatagon. Kusog ka og karisma. Miyerkoles ang suwerte mong adlaw ug 6, 2, 3 ang palaran mong numero.