RICH ASUNCION BOL-ANON NGA NAMITUON SA PAG-ARTE
NATAWO sa Bool Distict sa Tagbilaran City, Bohol, si Richell Pacaldo Angalot nga nailhan karon sa showbiz nga Rich Asuncion. Kamagulangan siyang anak nila ni Richard Angalot ug Melinda Pacaldo. Aktibo sa pag-arte sukad pa kaniadtong 2006, kinse anyos pa lang siya nga misalmot sa usa ka beauty pageant isip representante sa Tagbilaran City Schools Division sa Miss Central Visayas Regional Athletic Association (CVRAA) 2004.
Nadughit niya ang third runner-up ug ang mga tropeyo sa Miss Talent ug Best in Fun wear. Napili usab siyang Muse sa Bohol Lions sa Lions District Convention sa 2004 ug sa samang tuig, gipaila si Rich nga Female Grand Champion in Island City Mall’s Campus Discovery Model Quest 2004.
Nahimo si Rich nga First Princess sa tulumanon sa GMA 7 nga Star Struck kaniadtong 2006. Ug gumikan sa iyang mga nakab-ot, nahimo siyang kontratadong artista sa Regal Entertainment. Ug dugang pa gayod niining iyang mga kalamposan, napili si Rich nga First Runnerup sa Binibining Pilipinas 2009. Nahitabo kini kaniadtong Marso, 2009 sa Araneta Coliseum sa Quezon City. Candidate No. 3 siya nga gikan sa orihinal nga mga aplikante nga mikabat og kapin sa l70, diin 36 lang silang gipabalik. Unya napili ang 24 human ang mga aplikante miagi og higpit nga mga oras sa mga pangutana ug mga pakisayod bahin sa matag usa kanila didto sa Mandarin Hotel. Human sa Star Struck nianang 2006, nakaapil dayon siya sa pasundayag sa telebisyon silbinng dinapit nga artista. Gisundan kini og lain pang pasundayag sama sa Maynila; Boy Next Door; Kamandag; Sine Nobelang Magdusa Ka; La Lo La Nina; Gagambino; Bulong Ng Puso; Kung Agawin Mo Ang Lahat Sa Akin; Carlo J. Caparas’ Panday Kids; Love Bug Presents: Wish Come True Isabel; Little Star; ug uban pang mga pasundayag sa telebisyon nga iyang naapilan hangtod 2016. Sukad nga nakagula siya sa Star Struck, walay hunong ang paghatag sa Kapuso Network og papel sa mga pasundayag. Sa sinemang pasundayag nga “Magpakailanman,” kadaghan siya makaapil niini hangtod karong tuiga. May mga pelikula na sang nahimo si Rich ug usa niini nakapahimo niyang Best Actress sa Anak OFW Film Festival sa miaging Disyembre. Kini mao ang lilas nga “A Better Life” diin gikauban niya sila si Gabby Eigenmann ug Hyannah Estanislao. Sa pangutana kon unsay iyang ikatambag sa bag-ong grupo nga miagi sa Star Struck, kini ang iyang gitubag: “Huwag lumaki ang ulo! Kasi siyempre, kahit gaano ka kagaling na aktres, aktor, kung mahirap kang katrabaho, hindi ka nila kukunin. So, dapat talaga, marunong kang makisama. Dapat talaga hindi lumaki ang ulo mo at hindi ka maging maere.” Sa iyang instagram dili pa lang dugay, nahisulat kini: “Hands down to my man who pulled this proposal off oh so perfectly. So surprised when I saw him down on one knee in the middle of a scene during our taping. Of course, the answer is YES!!” Nahitabo kini samtang nagsiyoting ang teleseryeng “Ika-6 Na Utos” diin si Rich usa sa mga apil niini dihang ang iyang boypren nga si Benj Mudjie, usa ka Pilipinong-Awstralyanong magdudula sa rugby, nagpropos sa aktres. Sa iyang instagram, dayag ang hilabihang kalipay ni Rich. Apan andam na gyod kaha nga magpakasal ang dalagang Bolanon? Abangan!—