MIRROR OF FORTUNE
(ANG INYONG KAPALARAN SA HULYO 12 – 18, 2017)
PISCES – (Pebrero 20 – Marso 20) – Magmatngon ka nga di na masayop pag-usab. Makamatngon ka na sa dakong kadaot nga imong nahiagoman tungod sa usa ka sipyat lang. Di na mabalik ang nasayang nga panahon. Talagsaong romansa ang di mo malimtan. Miyerkoles ang suwerte mong adlaw ug 8, 4, 2 ang palaran mong numero.
ARIES – (Marso 21 – Abril 20) – Niining semanaha tugotan kang mokuyog sa biyaheng edukasyonal. Angayng sundon mo ang ihatag nga pahimangno sa imong inahan. Makalikay ka sa katalagman. Ipadayon ang dupot mong pagtuon sa imong mga leksiyon. Mainit ang parayganay. Suwerte mong adlaw ang Huybes ug palaran mong numero ang 7, 5, 9.
TAURUS – (Abril 21 – Mayo 21) – Magamit mo ang imong nakat-onan sa gitambongan mong pasinati. Daghan ang moawat sa imong pamaagi sa panguma. Ipaambit mo ang imong kahibalo. Motabang ka pag-organisar alang sa kaayohan sa mga mag-uuma. Tabunok ang romansa. Sabado ang suwerte mong adlaw ug 6, 4, 7 ang palaran mong numero.
GEMINI – (Mayo 22 – Hunyo 21) – Niining semanaha daghan ang makamatikod sa imong pagka maalampoon. Ipadayon mo ang pagsangpit sa Ginoo kay di madugay makagikan ka na aron magtrabaho. Makalingkawas ka na unya sa kalisod. Madani ka sa pahiyom. Suwerte mong adlaw ang Biyernes ug palaran mong numero ang 5, 2, 6.
CANCER – (Hunyo 22 – Hulyo 22) – Makakita kag epektibong paagi sa pagtuon. Dako ang imong tinguha nga makab-ot ang imong ambisyon. Mogahin kag panahon nga makaserbisyo sa simbahan. Makabaton kag dakong pagsalig sa imong kaugalingon. Mainit ang romansa. Miyerkoles ang suwerte mong adlaw ug 5, 9, 3 ang palaran mong numero.
CAPRICORN – (Disyembre 22 – Enero 19) – Mabaid og maayo ang imong salabotan. Ikapamatuod mo ang imong talento sa obra maestra nga imong giugba. Daghan ang modayeg sa imong abilidad. Dali mong matuhog ang gihatag nga lektyur. Di ka maanod sa aghat sa tentasyon. Lunes ang suwerte mong adlaw ug 3, 6, 1 ang palaran mong numero.
LEO – (Hulyo 23 – Agosto 23) – Niining semanaha makapupo kag pagtulun-an sa gitambag sa imong inahan. Itingob mo ang imong pagpaningkamot alang sa kaugmaon sa imong pamilya. Mogahin ka usab og panahon sa paglulinghayaw. Makasinati kag lahing romansa. Suwerte mong adlaw ang Biyernes ug palaran mong numero ang 8, 2, ug 6.
VIRGO – (Agosto 24 – Septiyembre 23) – Mapalapdan ang imong kasinatian. Dili ka na makurat kon adunay pagsulay nga moabot sa imong kinabuhi. Hatagan mog prayoridad ang imong pag-eskuyla. Di ka na mokuyog sa imong barkada. Makigdungan kang mohangos sa kalalim. Sabado ang suwerte mong adlaw ug 1, 7, 4 ang palaran mong numero.
LIBRA – (Septiyembre 24 – Oktubre 23) – Niining semanaha daghan ang moabiba sa naangkon mong kalamposan. Kapanaminan sa uban ang imong kakugi ug pailob. Malatas mo ang kalisod nga imong gisagubang karon. Maharuhay na ang imong kahimtang. Dugosnon ang romansa. Suwerte mong adlaw ang Martes ug palaran mong numero ang 3, 4, 5.
SAGITTARIUS – (Nobiyembre 23 – Disyembre 21) – Niining semanaha matibuok na ang ipakanaog mong desisyon. Dili mo na ioktaba ang pagtrabaho sa abroad. Gikinahanglan mo ang dakong kantidad alang sa pagpatambal sa imong inahan. Pahinuntan mo ang kagustohan sa minahal. Suwerte mong adlaw ang Domingo ug palaran mong numero ang 4, 2, ug 9.
SCORPIO – (Oktubre 24 – Nobiyembre 22) – Makalahutay na ang imong kinitaan nga makabuhi sa imong pamilya. Maayo na ang buot sa imong ugangan. Makamao ka nang magbadyet sa imong suweldo. Magtigom kag kuwarta alang sa pag-eskuyla sa imong panganay. Kusog kang makadani. Huybes ang suwerte mong adlaw ug 6, 7, 2 ang palaran mong numero.
AQUARIUS – (Enero 20 – Pebrero 19) – Niining semanaha hayan ma- promote ka sa imong katungdanan. Kinahanglan nga barogan mo sa kaligdong ang imong kaakohan. Kapanaminan sa uban ang imong kamatinud-anon. Masum-ok kag relasyon nga magmalungtaron sa hangtod. Suwerte mong adlaw ang Martes ug palaran mong numero ang 9, 3, ug 6.