ANG KINABUHI SA KANHIAY UG KARON

MINUGBONG KASAYORAN ORAN

SA unang panahon tag-as kaayog kinabuhi ang katawhan. Ang edad ad sa tawo moabot og tagkapin sa gatos. os. Apan ning ato karong mga adlaw suwerte naa kaayo kon moabot ang tawo sa panuigong 80 anyos.yos. Ngano man?

Ang nakapataas sa kinabuhi sa mga ga tawo sa kanhiay mao ang kalab-as sa hangin,n, kalinis sa tubig, ang kalab-as sa mga utanon nga ayha pa pupoon sa dayon nang luto ug ang kahilwas niini kay wala pay kemikal nga igpapatay sa mga dangan nga gigamit, ang wala pagpatuyang pag-inom sa ilimnong makahubog kay maulaw nga tawgog palahubog ug ang kanunayng paugnat sa kusog sa paglinakaw kay nihit pa man kaayo ang sakyanan niadtong panahona. Apan ning panahon sa kabag-ohan nalumid na sa makahilong anuos ang atong kahanginan sa mga aso nga gipamugwak sa nagkadaiyang mga pabrika ug mga sakyanan, napuno na sa asyete ug ubang mga biya sa pabrika ang atong kadagatan dinasonan sa mga asyete ug hugawng biya sa mga sakyanan sa dagat nga usahay makamugnag red tide nga nanapot sa mga isda ug mga kinhason nga nakakalas na og daghang kinabuhi, may sekreto nang hilo ang atong mga utanon nga namugna sa mga kemikal nga igpapatay sa mga dangan kay nauso na man ang pagpamomba niini sa mga tanom tungod sa pagdagsang sa mga ulod kay nihit na man kaayo ang mga langgam nga mangaon niini kay gikalingawan pagpanirador ug pagpamusil sa mga mangangayam. Bisan tigulang na ang mga tawo sa kanhiay lagsik lang gihapon, lahi ning mga adlawa nga inigsaylo sa 50 ang panuigon daw itik nang napus-an tungod sa daotang mga bisyo ug sa kanunayng kakulang sa tulog tungod sa mga TV nga hangkoban pagtan-aw bisan sa lawom nang kagabhion. Ang laing nakapamaluyahon sa mga tawo karon mao ang kakulang sa ehersisyo ilabi na kay dili na man manglakaw— mosakay gyod bisan duol ra kaayo ang adtoan nga unta wala may bug-at nga dala.—