DUTERTE MIHANGYO SA KONGRESO NGA IBALIK ANG DEATH PENALTY
GUMIKAN sa nagpadayon nga pagkatap sa mga krimen nga epekto sa ginadiling droga mihangyo si Presidente Rodrigo Duterte sa Kongreso nga ibalik ang silot nga kamatayon.
Gihimong ehemplo ni Duterte ang nahitabong masaker sa usa ka pamilya sa San Jose del Monte, Bulacan diin lakip ang usa ka bata nga nagpangedaron og usa ka tuig giapil pa sa pagpatay nga ang naghimo sa krimen giingon nga gigamhan sa epekto sa ginadiling droga.
Apil sa ‘gilabhan’ ni Duterte ang mga human rights group nga igo lang mosing-al sa giingon nilang extra judicial killings pero wala gayoy timik bahin sa mga gipamatay sa mga drug addict.
“Hinihiling ko sa Kongreso na pagtibayin ang lahat ng nakabimbing panukalang batas para ibalik ang parusang kamatayan sa karumaldumal na mga krimen,” matod ni Duterte ug midugang sab siya pag-ingon nga dili siya molunga sa iyang kampanya sa ‘ war on illegal drugs’.
Misaad ang presidente nga ang iyang kampanya batok sa illegal drugs magpadayon tungod kay mao kini ang lintunganay sa kadaotan ug mao sab ang nakapa- discourage sa mga negosyante ilabi na sa mga langyaw nga gustong mobubo og puhunan alang sa negosyo dinhi sa atong nasod.
Sa pagsulat niini, sumala pa sa record o sa data sa Philippine National Police (PNP) adunay 3,200 drug personalities nga napatay sa operasyon batok sa droga sukad sa Hulyo 1, 2016 hangtod sa Hunyo 20, 2017.
Kalabot sa death penalty, miingon si Senate President Aquilino “Koko” Pimental III nga giduso na sa House of Representatives ang naasoyng balaoron ngadto sa Senado ug gilaoman nga tukion kini sa mga senador.— TNB
“Ang issue, dahil sa gastos na pinatira kayo doon at ‘yung ospital mo, wala kang bayad-bayad. Maawa ka naman sa Norwegian government. Pakamatay ka na lang,” nagkanayon si Duterte.
Busa, mibalos si Joma paghagit kang Digong sa pagpakita sa medical record niini ngadto sa publiko.— TNB