Mirror Of Fortune

PISCES – (Pebrero 20 – Marso 20) – Niining semanaha mobalik og kalagsik ang imong panglawas. Kinahanglan gayod nga himoon mong regular ang imong pag-eksersays. Mapahiluna mog maayo ang imong kaugmaon. Doblehon mo pa ang imong kakugi. Maaghaton ang pahiyom. Suwerte mong adlaw ang Sabado ug palaran mong numero ang 6, 1, 9. ARIES – (Marso 21 – Abril 20) – Masayran mo ang sekreto nga makahatag og solusyon sa imong suliran. Di ka molugak sa imong pag-ampo sa Kahitas-an. Madugangan ang imong katakos. May motabang kanimo nga makatrabaho ka. Kusog ang imong panghaylo. Martes ang suwerte mong adlaw ug 3, 2, 7 ang palaran mong numero. TAURUS – (Abril 21 – Mayo 21) – Niining semanaha matapos na ang proyekto nga gisangon kanimo. Dako ang purohan nga may bag-ong asaynment nga ihatag kanimo. Di madugay nga madugangan ang imong suweldo. Ayaw kalimot sa pagpasalamat. Mainit ang romansa. Suwerte mong adlaw ang Biyernes ug palaran mong numero ang 5, 4, ug 9. GEMINI – (Mayo 22 – Hunyo 21) – Lahing awra sa imong personalidad ang mopatigbabaw. Adunay motanyag kanimo nga lisod mong kabalibaran. Apan pagmatngon kay basig masulod ka sa laang. Magmalipayon ka sa umaabot. Lahing abentura sa gugma ang imong masum-okan. Huybes ang suwerte mong adlaw ug 2, 6, 8 ang palaran mong numero. CANCER – (Hunyo 22 – Hulyo 22) – Niining semanaha makab-ot na ang dugay na nimong gipangandoy. Magnuod ang imong pangagpas. Mosanong ka sa awhag sa kusog nga dis-og sa kabag-ohan. Makabatyag kag lahing kalagsik. Kusog ang imong sex appeal. Suwerte mong adlaw ang Domingo ug palaran mong numero ang 3, 7, 5. CAPRICORN – (Disyembre 22 – Enero 21) – Niining semanaha masipong mo ang gumonhap nga nakapahingawa sa imong isipan. Matugkad mo ang linugdangan sa mga panghitabo. Angay lang molikay ka sa mga tsismis. Isentro mo ang imong panahon sa trabaho. Dugosnon ang romansa. Suwerte mong adlaw ang Huybes ug palaran mong numero ang 2, 6, 3. LEO – (Hulyo 23 – Agosto 23) – Di ka malimtan sa imong natabangan. Mahimong panag-ingnan ang maayo mong binuhatan. Maugmad og dugang ang imong personalidad. Magmasanagon ang imong umaabot. Way makabalda sa imong pagasenso. Kusog ang imong karisma. Miyerkoles ang suwerte mong adlaw ug 5, 2, 9 ang palaran mong numero. VIRGO – (Agosto 24 – Septiyembre 23) – Niining semanaha magnuod ang imong gidamgo. Maghatag kinig katin-awan sa nakahasol kanimo. Ayaw wad-a ang imong pagsalig sa Ginoo. Di ka angayng magpatibaong sa mga libak. Makasinati kag lahing abentura sa gugma. Suwerte mong adlaw ang Martes ug palaran mong numero ang 3, 4, 8. LIBRA – (Septiyembre 24 – Oktubre 23) – Mohatag kag panahom nga makapausab sa dagan sa panginabuhi. Madisiplina mog maayo ang imong anak. Magtinarong na kini sa iyang pageskuyla. Daghan kag matapos nga buluhaton. Makatilaw kag di malimtang dalit sa romansa. Domingo ang suwerte mong adlaw ug 9, 1, 5 ang palaran mong numero. SAGITTARIUS – (Nobiyembre 23 – Disyembre 21) – Adunay mobayad kanimog utang. Ikadugang mo kini sa imong puhunan. Mokusog ang halin sa imong tinda. Madugangan ang imong mga suki. Mahapsay na ang nagkapatong-patong nga mga eskedyul. Masubhan ang imong gibating kahidlaw. Biyernes ang suwerte mong adlaw ug 8, 5, 3 ang palaran mong numero. SCORPIO – (Oktubre 24 – Nobiyembre 22) – Niining semanaha manuyhakaw sa imong handurawan ang masadyang nangagi. Bation mo ang di mahulagwayng emosyon. Ipadayon mo ang paghatag og tabang sa mga kabos. Mobulig kanimo ang maayong kahigayonan. Mabulokon ang romansa. Suwerte mong adlaw ang Sabado ug palaran mong numero ang 7, 4, 6. AQUARIUS – (Enero 22 – Pebrero 19) – Masunod mo ang mga prayoridad nga angayng buhaton. Itingob mo na ang imong atensiyon sa pagtuon sa mga leksiyon. Di ka na mokuyog sa imong barkada. Wa nay makapausab sa imong desisyon. Mahigalam ka sa masinating romansa. Lunes ang suwerte mong adlaw ug 5, 7, 8 ang palaran mong numero.