MADAYON NA GYOD ANG PELIKULA NI SHARON CUNETA NING TUIGA
NAHISGOTAN ni Megastar Sharon Cuneta ang pelikula niya sa Star Cinema ug magsugod na sila sa pagsyoting karong Septiyembre. Sumala sa kompirmasyon sa Megastar, may bag-o siyang leading man sa umaabot niyang proyekto sa Star Cinema. Sa interbyo sa sikat nga aktres human sa press conference sa Cinemalaya, nagpahibalo siya nga mahinayon ang iyang pelikula sa ABS-CBN apan nag-ingon siya nga dili niya ikauban sa maong lilas ang kanhi niyang kapikas nga si Gabby Concepcion.
“I prayed for it. I prayed for the movie that did not push through. If it’s not meant to be, I prayed to You. He probably did not want it to push through and then this one did so this is probably what He wanted for me and it’s probably a good thing. I take it like that. I take it positively,” matod niya.
Apan ang artistang taga Kapamilya Network nagtin-aw dayon nga andam pa gihapon siyang makigpares kang Gabby Concepcion ug dili siya ang hinungdan nga dili mahinayon ang ilang pelikula.
“I was not the one, I did not cause the cancellation, let’s just put it that way. Maybe his schedule, I don’t know. I’d rather not investigate further, baka ma-hurt ako. Huwag na lang!” matod sa Megastar.
Ug bahin sa bag-ong pelikula, miangkon si Sharon nga labaw siyang naukyab kay sa proyekto unta nila ni Gabby.
“We changed the script; of course it’s a new leading man. I’m very excited and I know a lot of people will be, too.”
Sa pangutana kon kinsa ang bag-o niyang leading man, wala niya kini itataw ug nagpahayag na lang nga ang mga Sharonian makagusto gayod sa iyang bidang lalaki.
“Madaming matutuwa. Very big fan base. Very, very big. Huge,” matod ni Sharon.
Sa laing bahin, nagpahayag ang action star nga si Robin Padilla nga andam siya nga mohimog pelikula uban sa kanhi girlfriend nga si Sharon Cuneta kinsa giila niya nga nautangan niyag kabubuton dihang misugot kini nga mahimong leading lady niya sa lilas nga “Maging Sino Ka Man” nga usa sa mga sikat niyang pelikula kaniadtong 1991.
“Malaki ang utang na loob ko kay Ma’am,” matod ni Robin sa interbyo. “Hindi naman ako magiging ganito kung ‘di ako binigyan ng break ni Sharon. Noong panahon na ‘yon, ‘sino ba yan?’ Kumbaga sa boxing, wildcard ako. Pero siyempre kailangang pag-usapan. Handa akong maghandog ng serbisyo.”
Nagkapares si Robin ug Sharon sa mga pelikula nga “Di Na Natuto” ug “Pagdating ng Panahon”.
Ang problema lang kang Robin, sumala sa aktor, dili mahimo nga matangtang ang iyang bungot.
Sa laing bahin, gisulayan sa Megastar ang indie film mao nga bida siya sa kang Mes De Guzman nga “Ang Pamilyang Hindi Lumuluha”, nga usa sa mga apil sa Cinemalaya nga gipasundayag niadtong Agosto 4-13, 2017.—