Mirror Of Fortune
( ANG INYONG KAPALARAN SA OKTUBRE 4 – 10, 2017)
PISCES – (Pebrero 20 – Marso 20) – Niining semanaha malaomon kang matapos ang imong proyekto sa di pa moabot ang dedlayn. Daghan ang makadayeg sa imong diskarte. Ipadayon ang imong desisyon nga way kabilinggan. Makaiibog ang motublaw nga romansa. Suwerte mong adlaw ang Martes ug palaran mong numero ang 3, 4, 1. ARIES – (Marso 21 – Abril 20) – Mogahin kag panahon alang sa pag-ampo. Malinawon ang dagan sa imong panimuyo. Magtuon og maayo ang imong mga anak nga nanag-eskuyla. Madasigon mong alingahon ang mga buluhaton. Mokuyog kag ekskursiyong edukasyonal. Kusog kag karisma. Sabado ang suwerte mong adlaw ug 6, 3, 5 ang palaran mong numero. TAURUS – (Abril 21 – Mayo 21) – Niining semanaha mopatigbabaw ang imong pagka maalamon. Daghan ang makagusto sa imong bag-ong disenyo. Daling moasenso ang gitukod mong patigayon. Di ka angayng maminaw sa mga tsismis. Eksayting ang salohang romansa. Suwerte mong adlaw ang Biyernes ug palaran mong numero ang 7, 2, 8. GEMINI – (Mayo 22 – Hunyo 21) – Matukod mog balik ang napuhok mong negosyo. Hatagan kag puhunan sa imong igsoon. Maantigo ka nang mokorehir sa imong kasaypanan. Modangop ka na sa Ginoo aron mahatagan ka Niya og grasya. Makigdungan ka sa paghangos sa himaya. Domingo ang suwerte mong adlaw ug 4, 5, 6 ang palaran mong numero. CANCER – (Hunyo 22 – Hulyo 22) – Niining semanaha makabig ka pagsubay sa matul-id nga dalan sa kinabuhi. Biyaan mo na ang imong mga bisyo. Magdupot ka na sa pagtuon sa imong mga gimbuhaton. Sundon mo na ang mga tambag sa imong inahan. Masubhan ang kahidlaw. Suwerte mong adlaw ang Huybes ug palaran mong numero ang 8, 1, 9. CAPRICORN – (Disyembre 22 – Enero 21) – Niining semanaha mapalapdan mo ang imong panlantaw sa kaugmaon. Doblehon mo pa ang imong pagpanglimbasog. Ipadayon mo ang imong pagkuha sa taas nga kaalam. Matapos na ang imong obra. Malunhat ang gitipigan mong pagbati. Suwerte mong adlaw ang Huybes ug palaran mong numero ang 9, 2, ug 7. LEO – (Hulyo 23 – Agosto 23) – Mapapas na ang imong pagmahay. Itingob mo na ang imong panahon sa pagtrabaho. Motaas ang lebel sa imong kadasig. Dako ang posibilidad nga maapil kas promosyon. Di ka angayng mawad-an sa paglaom nga moasenso. Dugosnon ang romansa. Lunes ang suwerte mong adlaw ug 2, 6, 7 ang palaran mong numero. VIRGO – (Agosto 24 – Septiyembre 23) – Niining semanaha han-okan kag daghang trabaho. Ayaw pagreklamo aron mahanas ka sa bag-o mong asaynment. Makahakgom kag maayong pagtulun-an sa madungog mong mensahe. Makahimamat kag maayong personalidad nga makalipay kanimo. Suwerte mong adlaw ang Martes ug palaran mong numero ang 3, 5, ug 2. LIBRA – (Septiyembre 24 – Oktubre 23) – Mapahimuslan mo na ang tinagoan mong abilidad. Adunay motanyag kanimog ekstrang trabaho. Di ka balibaran sa imong ihangyo. Madugangan na ang imong kapital. Mokusog na ang halin sa imong negosyo. Makawiwili ang dalit sa romansa. Lunes ang suwerte mong adlaw ug 5, 9, 4 ang palaran mong numero. SAGITTARIUS – (Nobiyembre 23 – Disyembre 21) – Mahandurawon ang mga gutling mo karon. Manggusod sa imong panumdoman ang masadyang nangagi. Modalikyat ka sa pagbakasyon sa probinsiya. Malingaw ka sa imong pagbiyahe. Makasinati kag talagsaong kagilok sa romansa. Miyerkoles ang suwerte mong adlaw ug 5, 3, 8 ang palaran mong numero. SCORPIO – (Oktubre 24 – Nobiyembre 22) – Niining semanaha pun-an mo pa ang imong pagpaningkamot. Kinahanglan nga makaigo ang imong kinitaan sa mga galastohan sa panimalay. Masulbad na ang giatubang mong problema. Makasulagma kag romantikong abentura sa gugma. Suwerte mong adlaw ang Biyernes ug palaran mong numero ang 6, 4, 2. AQUARIUS – (Enero 22 – Pebrero 19) – Madawat mo na ang kamatuoran. Makamatngon ka na sa nahimong kasaypanan. Himoon mong leksiyon ang naagoman mong kasinatian. Tun-an mo nag maayo ang sitwasyon sa di ka pa mohukom. Matagbawon ang salohang romansa. Domingo ang suwerte mong adlaw ug 4, 2, 5 ang palaran mong numero.