Super REACT
No.09496904091
H Hello,ll SR! K Komosta kaninyong tanan? Apil usab ang mga readers sa Bismag. Mo-greet usab ko sa mga membro sa Cobong Singers Club sa Cobong, Oslob, Cebu. Sila si Lito Apelanio, Poly Eliseo, Drego Petancio, Severino Eliseo ug sa tanang mga kauban. Magkita ta unya sa October 13, 2017. Mo anha mi diha atol sa Novenario alang sa Fiesta. Dunay drama among ipasundayag. Title… Anino Sa Irong Buang. Drama comedy kini.—09395942965
Hehe… lingaw kos “Ismiringhoy” ni G. Eric S.B. Libre. Kas-a nksnati pod ko ana, Bay. Pero E tngali dli I unang titik sa Esmiringhoy. Samas estorya, estambay, eskapo, esmagol, embargo, ubp.— Bay Nits B. (Nindot ning reaka, da. Isyu na pod sa espeling. Unsay tukma, E ba o I? Aw, atong hilngon ang atong lagda kon naa ba ning problemaha didto. Buyno, kanus-a ba nato gamiton ang E ug I? Sama sa paggamit nato sa O ug U, angay tang mosukot kon pulong hinulaman ba o pulong lumad ang gikalibgang pulong. Sa Lagda Sa Panitik No. 2 (naa usab sa librong Atong Inahang Dila, ph. 123) kini ang mabasa: “Ang “i” gamiton sa tanang lumad nga pulong gawas sa mga pulong “babaye”, “pangadye”, “dayeg” ug “sikwate”. Bahin sa sumbanan sa paggamit sa E, sanglit kining maong titik naglambigit man sa mga pulong hinulaman, may ubay-ubayng latid nga matan-aw agad o depende sa pattern sa mga pulong. Ug sa lagda No. 7-H, kini ang mabasa: “Ang mga pulong Iningles nga nagsugod og “S” nga walay tugbang nga amgid sa Kinatsila pagaunhan og titik E sa lumad nga hubad.” Ug mao ning mga pulonga ang gihisgotan ni Nits B. sa iyang reak— mga pulong hinulaman nato gikan sa Iningles sama sa estorya (story), estambay (standby), esmagol (smuggle). Akong klarohon nga ang “eskapo” ug “embargo” dili apil sa nahauna kay kini mga pulong man nga hinulaman nato gikan sa Kinatsila. Nan, unsay sakto— “esmiringhoy” o “ismiringhoy”? Ang tubag mao nga dili pulong hinulaman ang “ismiringhoy”. Wala tay masubay o ebidensiya nga kini hinulaman nato gikan sa Iningles o kaha sa Kinatsila. Sa ato pa, walay igong katarongan nga kini gamitan natog “E”. Sa akong tan-aw, ang “ismiringhoy” usa ka lumad (native) nga minugnang pulong busa angay nga adto kini mopahiuyon sa Lagda No. 2. Salamat, Nyor Nits B. sa kahigayonan nga mas mapatin-aw pa kining mga butanga.)
Good day, Sir. Mangutana lang ko kon puede ba ang usa ka ordinaryong tawo dili magsusuwat makapadala og mga tampo dinhi sa Bisaya sama sa among pagsuroy-suroy didto sa Cagayan de Oro, Medina ug Gingoog City niadtong milabay nga bulan kon puede unsa may mga pamaagi asa iadres ug ang mga hulagway nga isukip amo ba butangan og caption kon diin kini dapit nakuha. Thanks.— 09287486218 (Puyde kaayo. Han-aya ang estorya unya i-email lang palihog sa bisaya_manilabulletin@yahoo.com. Siyempre, andamon pod ninyo ang caption sa kada retrato aron mahibawo pod mi ug ang mga reader bahin sa unsa ang maong hulagway.)
Good day, Sir. Nahimuot ko nga nagbasa sa Mga Pamalandong Sa Usa Ka Ismiringhoy ni Eric S.B. Libre Bisaya Sept. 20, 2017 panid 4 kay kining textera nakasinati usab og susamang hitabo apan wa nako tagaig pagtagad ug nagpasalamat pa gani kong giingnan nga mahal ra ba nang klaseha kay sa moorder ko nga wa masayod sa kamahal niini ug parte sa iyang giingon nga way motagad nga mga nagbantay kay ubos lagi ilang pagtan-aw kanato ikalipay sab nako nga mamili nga way mga sales lady nga magbantay kay makapatuyang ko og pili.—09287486218