2017 METRO MANILA FILM FESTIVAL PRESENTS…
SUGOD sa Disyembre 25 hangtod sa unang semana sa Enero, 2018, isalida ang walo ka palarang mga pelikula nga napili base sa mosunod nga sumbanan sa Metro Manila Film Festival (MMFF): Artistic excellence (40%); Commercial appeal or viability (40%); Filipino cultural and/or historical value (10%); Global appeal (10%).
Pinasikad sa nahisgotang sumbanan, kining mosunod nga mga pelikula mao ang suwerteng nangapili:
1. ANG PANDAY: Director: Rodel Nacianceno (Coco Martin) Producer: CCM CREATIVE PRODUCTIONS, Inc.; Lead Actors: Coco Martin ug Mariel De Leon;
2. ALMOST IS NOT ENOUGH: Director: Dan Villegas; Producers: QUANTUM & MJM PRODUCTIONS; Lead Actors: Jennylyn Mercado & Jericho Rosales;
3. THE REVENGERS: Director: Joyce A. Bernal; Producers: STAR CINEMA & VIVA FILMS; Actors: Vice Ganda, Daniel Padilla ug Pia Alonzo Wurtzbach;
4. LOVE TRAPS #Family Goals: Director: Antonio Y. Reyes; Producer: OCTO ARTS FILMS; Actors: Vic Sotto ug Dawn Zulueta;
5. DEADMA WALKING: Director: Julius Alfonso; actors: Joross Gamboa ug Edgar Allan Guzman;
6. SIARGAO: Director: Paul Soriano; Lead Actors: Erich Gonzalez, Jericho Rosales, Jasmin Curtis-Smith;
7. HAUNTED FOREST: Director: Ian Lorenos; Actors: Jane Oineza, Jameson Blake, Maris Racal, ug Jon Lucas;
8. ANG LARAWAN: Director: Joy Areenas; Actors: Rachel Alejandro, Paulo Avelino, ug Joanna Ampil.
Matod ni Tsirman Tim Orbos sa MMFF Executive Committee, “Our selection committee had a difficult time choosing given the quality of films. We have to thank them for their exhaustive and thorough deliberations.”
Kining tuiga maoy ika-43 nga edisyon sa tinuig nga pagsaulog nga giugdahan sa Metropolitan Manila Development Authority (MMDA), pormal nga gilusad ang 2017 MMFF kaniadtong Marso 7, 2017. Dungan sa seremonyas sa paglusad mao ang pagpahibalo sa mga kausaban sa komposisyon sa MMFF Executive Committee. Gihimo ang mga kausaban sa tumong nga mahiuban ang dugang nga sektor sa industriya sa pamelikula— mga representante sa mga eskuylahan, kagamhanan, medya ug pribadong sektor.
Sa mga kausaban, gitangtang ang pagpaapil sa mga indie film ug dugang nga representante sa mga may daghang sinehan.
Ang bag-ong mga lagda ug regulasyon maoy gipatuman alang sa 2017 nga edisyon diin maoy gipalabi ang kalidad sa mga pelikula kaysa dakong kinitaan sa takilya. Ang pagsakripisyo sa kalidad sa lilas maoy gilikayan sa komite busa gibalik ang pagpili sa maayong estorya base sa eskrip sa unang upat ka pelikula samtang ang laing upat ka pelikula gipasikad ang pagpili sa pelikula na gayod.
Gilaoman nga niining mga kausaban nga giugdahan sa bag-ong komite, labaw nga magmalamposon ang MMFF dili lang sa kinitaan sa takilya apan sa kalidad usab sa pelikula nga ikasalida sa mga sinehan sa nasod alang sa promosyon sa industriya sa pamelikula.—