junior police and parents’ brigade
DISYEMBRE 11, 2017. Gipahigayon ang Junior Police and Parents Brigade Investiture Program sa Hoopsdome, Gun-ob, Lapulapu City. Mao kadtoy panag-abot sa tanang mga membro sa junior police ug parents’ brigade sa napulo ka school district sa Dakbayan sa Lapulapu.
Bibo ug malamposon ang maong programa. Mao kadtong higayona nga nagkapundok ang tanang mga sakop sa junior police ug parents’ brigade ug hingpit nga mingdawat sa ilang kaakohan human sa gipahigayon nga training workshop sa tanang publikong eskuylahan ( elementary ug high school level) sa nahisgotang dakbayan.
Ania ang inspirational message ni Lapulapu City Mayor Paz Corro Radaza. Ang Binisaya nga bahin wala ko na lang editi:
“After a month of going around the different districts for the Junior Police and Parents Brigade training, we are all gathered here for this investiture ceremony.
You are finally conferred with your respective positions as Junior Police and Parents Brigade of our City.
This may sound cliché, but this still stands true, that with Great Power Comes with Great Responsibility.
That if you are someone who is in a position, along with the authority is a huge responsibility and expectation from people who have put you at it.
Today, you are bestowed with powers and authority as members of this group Junior Police and Parents Brigade.
You are vested with the power to promote peace and order in your school and in your community.
You are given the responsibility to ensure that our children are secured and protected.
You are given the task to be the peacemakers in your respective schools.
You are bestowed with the responsibility to be our partner, in the City Government, to bring about positive change among our constituency.
To foster in them good citizenship. To promote love, respect and concern to their school, community and the City.
You are all here today, conferred as members of these groups, the Junior Police and Parents Brigade because we believe that you can perform it well.
Akong panghinaot, nga motabang kamo sa atong kapolisan sa pagpatuman sa kahapsay ug kalinaw sa atong dakbayan, ilabi na sa atong matag eskuylahan. Nga motabang kamo sa pagprotekta sa atong kalikopan. And I will definitely count in you. Ako naglaom nga mamahimo kamo namo nga among partners sa pagpalambo sa atong dakbayan.
Apan, aduna lang akoy usa ka hangyo kaninyo. Never ever abuse your positions.
Akong gipanghinaot nga dili ninyo gamiton sa pagpangabuso sa isigkatawo ang inyong position isip Junior Police ug Parents Brigade.
Ania kamo karon dinhi kay ako, kami nagatuo nga kamo ang magdala og kalinaw ug kahapsay sa inyong eskuylahan ug komunidad.
Congratulations ug daghang salamat.”
NOBIYEMBRE 10, 2017. Marigondon Elementary School, Marigondon, Lapulapu City. Gipahigayon ang TRAINING WORKSHOP AND INVESTITURE PROGRAM FOR JUNIOR POLICE AND PARENTS’ BRIGADE.
Ang maong programa gisugdan kaniadtong Nobiyembre 3 ug kini ubos sa kamandoan ni Lapulapu City Mayor Paz Corro Radaza. Sa gipahigayon nga meeting gihisgotan ug gitudlo ngadto sa kabataan nga mga pinili ug gihimong mga junior police ug mga ginikanan kinsa mga membro sa “parents’ brigade” ang mahitungod sa basic report writing and note-taking, basic intelligence network, first respondent in crime scene, bomb identification and familiarization, traffic control, arrest and other related laws, waste management/eco warden, stress debriefing/ handling stressful situations/therapeutic communication, and duties, responsibilities and limitations of a Junior Police and Parent’s Brigade member.
Ang maong programa gipatuman ni Mayor Radaza sa tanang publikong eskuylahan (high school ug elementary) sa Siyudad sa Lapulapu diin adunay 30 ka barangay (19 sa mainland ug 11 sa isla sa Olango).
Ang training-workshops nagtumong o nagtinguha sa pagencourage sa kabataan nga mga sakop sa junior police sa pagpanginlabot ug pag-apil sa kalihokan sa eskuylahan nga nagkinahanglan og proteksiyon o seguridad aron pagmentenar sa kalinaw sa school campus.
Sa paglusad (launching) sa maong programa, si Mayor Radaza sa iyang pagkigpulong nagkanayon nga “as the city continues to prosper and develop, the need for the participation among residents also emerges.”
Midugang pag-ingon ang mayor nga gikinahanglan gayod ang aktibo nga pagpanginlabot ug pagbulig sa matag usa aron makabot ang hingpit nga kalamboan. Ug nagtuo siya nga kon ang matag hut-ong sa komunidad (sama sa mga batan-on ug mga edaran na), magkahiusa sa pagtuman sa mga programa ug kalihokan sa siyudad, dayag nga makab-ot gayod ang gimithing kalamboan.
“I am reactivating the Junior Police and the Parents’ Brigade because I see the urgent need for groups who will look into the safety and security of our pupils and students inside the school and even as they leave the premises,” matod ni Radaza.
Ug miingon sab siya nga pinaagi sa nahisgotang pagbansaybansay sa mga junior police, sila maisip nga mga giya o tigtambag sa ilang masigkaestudyante.
“Mahimo na kamo nga kasultian sa mga problema ug aron matabangan usab ninyo sila. Of course, if you have problems at home or at school, share it to your elders, to your teachers or to your guidance counselors,” nagkanayon si Mayor Radaza.
Ug midugang pa gayod si Radaza nga ang junior policemen adunay dakong responsabilidad sa pagmentenar sa kalinaw ug kahusay sa ilang matag eskuylahan ug magserbisyo isip tigbantay aron mapatigbabaw ang kalinaw sa school campus.
Ang paglusad sa maong kalihokan o programa gitambongan sa mga class president ug class vice president ingon man sa mga homeroom president ug homeroom vice president diin kining tagsulat maoy presidente sa homeroom sa Grade 12-G (si Mrs. Janet Abris ang adviser) ug usa sab sa mga membro sa board of directors sa Marigondon National High School-Senior High School General Parents Teachers Association (MNHS-SHS GPTA).
Ang mga sakop sa Junior Police ug Parents’ Brigade gikan sa 10 ka school district sa Siyudad sa Lapulapu kinsa sayo sa buwan sa Nobiyembre 2017 gisugdan na sa pagpaubos sa pagbansaybansay gibanabana nga mokapin sa 8,000 ka membro. Gibuhi ni Radaza ang maong programa sa tanang publikong tunghaan sa dakbayan aron makaabag sa pagpatunhay sa kahusay ug kalinaw sa ilang tagsa-tagsa ka mga campus.
“Tungod sa kadaghan sa atong mga eskuylahan ug mga estudyante, di na maato sa atong kapolisan ang pagbantay ug pagprotekta kaninyo,” pakigpulong ni Radaza atol sa gihimong training workshop.
Apan gipahibawo sa mayor nga mga student leader sa elementary ug high school lang ang kalipikado nga moapil, kinsa adunay maayong performance sa ilang pagtuon. Pinaagi sa training, ang maong mga tinunan magsilbi usab nga counselors kun tigtambag gawas sa magtutudlo o guidance councilor.
Kining akong sinulat akong gipokus sa district 5 diin mahisakop ang Marigondon National High School tungod kay ania man lagi ako dinhi mahisakop ug wala na kaayo ko maka- monitor sa ubang mga distrito.
Ang ubang mga eskuylahan nga naglangkob sa district 1, 2, 3, 4, 6, 7, 8, 9 ug 10 lainlain sab og eskedyul sa pagpahigayon sa training workshop sa mga junior police ug parents’ brigade nga gisugdan sa Nobiyembre 3 hangtod sa Nobiyembre 24, 2017. Ug ang Marigondon National High School ug Marigondon Elementary School kaniadtong Nobiyembre 10, 2017.
Ang mga publikong eskuylahan sa isla sa Olango nga gilangkob sa district 9 ug 10 didto ra usab magpahigayon sa ilang Junior Police and Parents’ Brigade Investiture Program sa Mini Hoopsdome sa nahisgotang isla kaniadtong Disyembre 13, 2017. Ug ang ilang training workshop gipahigayon sab kaniadtong Nobiyembre 25, 2017, imbes nga ang gikatakdang eskedyul sa Nobiyembre 24.
Ang public schools division sa Lapulapu City naglangkob sa 10 ka school districts ug ang Marigondon National High School ug Marigondon Elementary School anaa mahisakop sa district 5. Ang nahimong membro sa Parents’ Brigade mga pinili lang nga ginikanan.
Ang Training Workshop and Investiture Program for Junior Police and Parents’ Brigade gipatuman sa Dakbayan sa Lapulapu ubos sa Division Memorandum No. 363 nga pinirmahan ni Schools Division Superintendent Marilyn S. Andales, Ed. D., CESO VI.
Pinaagi niining parents’ brigade program, ang mga ginikanan nga membro niini gihatagan og katungod sa pagpanginlabot sa kalihokan sa katilingban: legal sila nga makabadlong ug makaaresto niadtong mga makahimo og salaod, krimen ug uban pang mga buhat nga dili maayo, makahimo sila pagpakigcoordinate sa kapolisan, kabomberohan, mga rescue team kon adunay mga emerhensiya ug uban pa.—