Mirror Of Fortune
(ANG INYONG KAPALARAN SA DISYEMBRE 27, 2017 – ENERO 2, 2018)
PISCES – (Pebrero 20 – Marso 20) – Bation kag kaaskil sa imong panglawas tungod sa regular mong pag-eksersays. Kinahanglan nga magmatngon ka na sa imong pagkaon. Sundon mo ang tambag sa doktor. Magrelaks ka usahay. Di ka makabalibad sa awhag sa kundat. Huybes ang suwerte mong adlaw ug 6, 5, 3 ang palaran mong numero.
ARIES – (Marso 21 – Abril 20) – Niining semanaha makaamgo ka sa imong kasaypanan human sa lawom nga paghinuktok. Desidido ka nang magbag-o sa imong batasan. Dupot ka nang magtuon sa imong mga leksiyon. Tinguhaon mong magmalamposon. Mainit ang romansa. Suwerte mong adlaw ang Domingo ug palaran mong numero ang 8, 4, 6.
TAURUS – (Abril 21 – Mayo 21) – Mangita kag paagi nga magmalamposon ang gipahigayon mong negosasyon. Daghang kabos ang makabenepisyo niini. Ipadayon mo ang imong adbokasiya. Di ka malimot sa pag-ampo sa Ginoo. Kontrolon mo ang imong kaulag. Miyerkoles ang suwerte mong adlaw ug 4, 2, 7 ang palaran mong numero.
GEMINI – (Mayo 22 – Hunyo 21) – Niining semanaha makahukom ka nga ipadayon ang imong pagtuon bahin sa interior designing. Bahinon mo ang imong panahon sa pagtrabaho ug sa pag-eskuyla. Mogahin kag panahon alang sa simbahan. Tabunok ang romansa. Suwerte mong adlaw ang Biyernes ug palaran mong numero ang 1, 6, 8.
CANCER – (Hunyo 22 – Hulyo 22) – Malamaton ang kahigayonan nga mitabyog sa malalangon mong imahinasyon. Daghan ang makadayeg sa imong mga mugna. Magkulit kag bag-ong estilo sa arte. Padayon kang manganawkanaw sa kabantog. Kusog kag karisma. Sabado ang suwerte mong adlaw ug 3, 5, 2 ang palaran mong numero.
CAPRICORN – (Disyembre 22 – Enero 21) – Mapalapdan mo ang kahigayonan alang sa masanagon nga kaugmaon. Mahimo kang hanas sa imong trabaho human sa makanunayong pagbansay. Di ka mag-usik og panahon nga way mapuslanong resulta. Pahinuntan mo ang aghat sa hagawhaw. Lunes ang suwerte mong adlaw ug 7, 1, 8 ang palaran mong numero.
LEO – (Hulyo 23 – Agosto 23) – Niining semanaha mapunggit mo ang wa damhang kadaogan. Gidungog na ang makanunayon mong pag-ampo sa Kahitas-an. Bugtian og grasya ang maayo mong binuhatan. Makalingkawas ka na sa kalisod. Makapiyong ka sa tumang kalalim. Suwerte mong adlaw ang Domingo ug palaran mong numero ang 6, 7, 1.
VIRGO – (Agosto 24 – Septiyembre 23) – Magmauswagon ang gitukod mong negosyo. Daghan kag mahimong mga suki. Ipadayon mo ang imong pag-asikaso sa mga kostumer ug magpabilin kang mapaubsanon. Mobinag ka pagtabang sa mga kabos. Tugbangan mo ang mga parayeg. Miyerkoles ang suwerte mong adlaw ug 2, 9, 5 ang palaran mong numero.
LIBRA – (Septiyembre 24 – Oktubre 23) – Niining semanaha makabaton kag kahapsay sa panghunahuna. Magpabilin kang kalmado bisan sa giatubang nga problema. Mahatagan rag solusyon ang nagkabingkil nga mga sakop sa pamilya. Manginit ka sa maaghatong kablit. Suwerte mong adlaw ang Biyernes ug palaran mong numero ang 8, 2, 4.
SAGITTARIUS – (Nobiyembre 23 – Disyembre 21) – Niining semanaha daghan ang mosanong sa imong awhag nga magkahiusa alang sa parokya. Makapalukmay ang imong mensahe. Makadesidir ka na nga moalagad sa simbahan. Biyaan mo na ang imong mga bisyo. Kusog ang imong sex appeal. Suwerte mong adlaw ang Biyernes ug palaran mong numero ang 5, 7, 2.
SCORPIO – (Oktubre 24 – Nobiyembre 22) – Makatampo kag kaugmaran sa inyong komunidad. Dako ang posibilidad nga ituboy kang lider sa imong kaigsoonan. Mopatigbabaw ang imong pagka manggiluyon. Mohatag kag ayuda sa mga makaluluoy ang kahimtang. Madani kas pahiyom. Huybes ang suwerte mong adlaw ug 9, 6, 3 ang palaran mong numero.
AQUARIUS – (Enero 22 – Pebrero 19) – Niining semanaha di ka pabentaha sa tinandiay. Magpakita ka sa tinagoan mong abilidad. Daghan ang makadayeg sa imong naangkong katahom. Pagmatngon sa imong mga lakang kay basin madakin-as ka. Dugosnon ang romansa. Suwerte mong adlaw ang Martes ug palaran mong numero ang 2, 9, 4.