MALIPAYON SI PIOLO PASCUAL SA ANAK NGA SI IÑIGO PASCUAL UG MARIS RACAL

GIPAKITA sa mapagarbohong amahang si Piolo Pascual sa instagram ang mga kalamposang nakab-ot sa iyang anak nga si Iñigo Pascual. Sa naghinobra niyang kalipay, wala siya makapugong sa pagpakita sa retrato ngadto sa iyang mga fans sa kanta nga nanghawod.

Gipanalipdan usab niya ang iyang anak sa mga kritiko ug sa mga atake nga gigamit niya si Iñigo sa pagpromot sa iyang pelikulang “Northern Lights: A Journey to Love”.

Nalipay usab si Piolo nga ang iyang anak ug ang amiga niining si Maris Racal nag- duet sa inilang kanta ni Rey Valera nga gipasikat ni Megastar Sharon Cuneta, ang “Kahit na Maputi ang Buhok Ko”.

Sa gipangayong komento kon unsay iyang ikasulti sa higala sa iyang anak nga si Maris Racal, miingon si Piolo nga kon nagkasabot sila ug malipayon sa usag usa, dili siya manginlabot kanila.

Gimatuod sa amahan ug anak nga sila ang cool kaayong tandem sa usa ka carpool nga pasundayag sa “Tunog Star Magic. Sa mga video nga gi- post sa Star Magic, ang duhawit nila ni Piolo ug Iñigo maoy nakalingaw pag-ayo.

SA laing bahin, gipasidunggan si Piolo Pascual sa Hong Kong sa pagsalida sa pelikula nila ni Sarah Geronimo. Mapasigarbohon ang aktor sa malamposong pagpasundayag sa lilas nga “The Breakup Playlist” nga iyang gitambongan dili pa dugay sa Hong Kong.

“More or less, the viewers there have the same type of reaction as our local audience. They laughed and cried with the scenes. I just noticed though that their applauses were more thunderous. It’s simply an awesome and overwhelming experience,” matod sa aktor.

Sa interview, wala hiliati ang pangutana kon nganong wala makatambong ang iyang leading lady sa maong higayon.

“Oh, it’s because Sarah is busy with The Voice Kids. She’s committed with the show. Her hectic and strict schedule won’t permit her to grace our screening in Hk,” daling tubag ni Piolo nga mapahiyomon.—