BISMAG GIHANGOP SA MGA MAGTUTUDLO SA MARIGONDON NATIONAL HIGH SCHOOL
ANG Bismag (Bisaya Magazine) nailado sa Marigondon National High School (MNHS) sa Marigondon, Lapulapu City ilabi na sa mga magtutudlo sa Senior High School sukad lang nga napatik kadtong akong sinulat nga nag-ulohag “Pagpanumpa Sa Mga Opisyal Sa SHS-GPTA Marigondon National High School” (Bisaya, Agosto 30, 2017).
Nindot kaayog ngislit ang principal nga si Mr. Ernesto E. Peteluna ug ang assistant principal nga si Severiano B. Amistad lakip na usab ang mga magtutudlo nga sa paghingalan lang og pipila sila si Miss Janet A. Abris, Mrs. Sarah Jean E. Alegado, Mr. Fritz O. Marata ug Mrs. Gladishmarie P. Pantaleon.
Nalipay kaayo sila nga napatik sa magasin nga pinalabi sa Kabisay-an ug Mindanao ang ilang ngalan ug ang eskuylahan nga ilang gialagaran nga nahimo nang tipik sa ilang kinabuhi.
Ang akong anak nga si Julius Ceasar Mañus estudyante sa Grade 12-G nga ang adviser mao si Miss Janet Abris kinsa mao usab ang titser sa SMAW kun Shielded Metal Arc Welding, ang gieskuylahan ni Julius. Sila si Julius mao ang pioneer nga mogradweyt sa Grade 12 unya sa Abril 2018 sukad nga gipatuman sa gobyerno ang K-12 program. NakaOJT (On Job Training) na sila sa SUKI TRADING nga nagbase sa Brgy. Agus, Dakbayan sa Lapulapu.
Dili sa “pag-alsa sa kaugalingon kong bangko”, ang mga magtutudlo sa MNHS S dako og pagtahod ning ubos nga tagsulat, maayo kaayo ang ilang pag-abiabi kanako kanang adunay meeting nga ipahigayon sa eskuylahan.
Usa kadto ka higayon nga gipatawag na usab kaming mga opisyal sa General Parents Teachers Association (GPTA) kay adunay meeting bahin sa graduation sa mga Grade 12 students, pagsulod nako sa faculty room gisugat dayon ko ni Ma’m Sarah Jean Alegado ug iyang gipakita nako ang kopya sa LUMINESCENCE (The Official Publication in English of Marigondon National High School – Senior High School, Region VII).
Mibathay ang lawom kaayong kandiis sa matahom nga si Sarah Jean kinsa mapahiyomon nga miingon: “Sir Mar, among gipablis sa among school paper ang imong sinulat,” dayon niyang tunol kanako sa first issue sa LUMINESCENCE.
Nagpasalamat sab ko kang Sir Fritz Marata nga maoy nagsulat (lakbit-hisgot) sa giingong akong sinulat nga napatik na sa Bismag. Nakaingon ko nga bisan sa akong kaubos aduna sab diay moyukbo kanako— sa akong talento sa pagka writer. Mao ra kiniy akong puhunan aron mailhan sa katilingban.
Sila si Ma’m Janet Abris ug Ma’m Gladishmarie Pantaleon mga mahiligon sab diay sa writing kun panulat. Miingon si Ma’m Abris nga motampo unya kuno siya og feature articles sa Bismag samtang si Ma’m Pantaleon miingon sab nga gusto siyang motampo og poems. Nagsabot na mi nga ila lang i-PM o i- send sa akong e- mail aron akong editan ug ‘ipalupad’ ngadto sa Bismag.
Akong gikutlo ang hamubo nga sinulat ni Ma’m Sarah Jean
Alegado bahin sa Luminescence Publication. Ania:
“Luminescence Publication is a pioneer school paper for Senior High School. Luminescence signifies radiance and transparency leading all towards the truth. Its creation highlights the significance of having brighter and vivid form of communication. It is a good avenue for the students to showcase their journalistic talents and potentials. All the activities that are remarkable in the Senior High are expected to be scribbled and be remembered. Needless to say, this publication is the best arena to capture the hearts of the many and embrace the true beauty of journalism” –Sarah Jean E. Alegado, School Paper Adviser
Ang mga sakop sa Editorial Board sa LUMINESCENCE naglangkob niining mga mosunod: moderator – Dr. Ernesto E. Peteluna; assistant moderator – Mr. Severiano B. Amistad; school paper adviser – Sarah Jean E. Alegado; assistant SPA – Janet A. Abris; editor-in-chief – Cris F. Pendijito; associate editors – Angela R. Libodlibod, Chrislyn Marie B. Daño; news editor – Alaiza Marie Roche; sports editor – Kylle A. Opura; feature editor – Andre Karl Bonghanoy; Sci-Tech editor – Jhonrel Estrera; photojournalist – Paolo Anton M. Nabaja; cartoonist: Jhon Ryan Cuadra; circulation manager – Kimberly B. Degamo; layout artist – Fritz O. Marata.
Mga contributor: Nelche Monteron; Emy E. Lacson; Carol C. Abarquez; Eleonor O. Espinosa; Hannah Lagria; Elson Olavides Jr.; Gladishmarie P. Pantaleon; Merly G. Glocenda; Adrian Bonghanoy; Emalinda M. Guanizon; Xerxes John A. Montegrande; Jemarth Andrade; Dina Muñez; Angelie Samson ug Estella Estoy.
Ang Bismag, kon wala pa ko mahimong opisyal sa Marigondon National High School – Senior High School General Parents Teachers Association, dili mailhan sa mga magtutudlo sa maong eskuylahan. Ug tungod niini ako sab nga gihatagan og credit ang nahisgotang publikong tulunghaan ingon man ang mga magtutudlo, principal, assistant principal ug uban pang mga nagserbisyo niini pinaagi sa akong pagsulat sa unsa man nga kalihokan o programa aron sab nga mahibawo ang atong mga magbabasa ilabi na sa Dakbayan sa Lapulapu.—