NPA sama sa ISIS – Duterte
HUMAN sa gihimong pagpamanhig (ambus) sa mga New People’s Army (NPA) sa mga sundalo nga naghatod og mga hinabang sa mga biktima sa bagyong Urduja didto sa Northern Samar, gipakasama ni Presidente Rodrigo Duterte sa ISIS ang mga sakop sa NPA.
“I am sick and tired of talking to you. Pareho kayo ng ISIS. It’s an empty thing. There is no ideology except to destroy and kill,” pulong pa ni Presidente Duterte.
Kaniadtong Disyembre 5, 2017 gipirmahan ni Duterte ang Proclamation no. 374 nga nagdeklarar sa CPP-NPA isip terrorist organization.
“I strongly protest and I condemn the actions of the New People’s Army. I would say that this is something which I have been telling you all along. It does not have the ideology anymore. The ideology they have nurtured for years is already gone. They are just a bunch of brigands,” pahayag sa presidente.
Sumala sa taho nga nakalap sa TNB, adunay mga 50 ka sakop sa NPA nga ming-ambus sa mga sundalo didto sa Brgy. Hinagonoyan, Catubig, Northern Samar nga nagpahigayon og humanitarian mission aron tabangan ang mga biktima sa bagyong Urduja.
Sa nahitabong pagpangambus sa mga NPA, gikataho nga duha ka sundalo ang nasamdan.
Sa laing bahin, gipangunahan usab ni Duterte ang paghatag og pasidungog sa mga polis nga nangamatay ug nangaangol sa pagpakiggera sa Maute-ISIS group sa Marawi City.— TNB