(ANG INYONG KAPALARAN SA ENERO 3 – 9, 2018)

PISCES – (Pebrero 20 – Marso 20) – Niining semanaha paborable ang kahigayonan nga moduyog sa imong pagpanglimbasog. Dako ang tsansa nga mahinayon kang makatrabaho sa abroad. Makalingkawas ka na sa kalisod nga imong gisagubang karon. Matagbawon ang romansa. Suwerte mong adlaw ang Sabado ug palaran mong numero ang 7, 5, 1. ARIES – (Marso 21 – Abril 20) – Mahatagan mog solusyon ang kaguliyang sulod sa panimalay. Alam-alaman mo ang imong mga manghod aron masabtan nila ang dagan sa sitwasyon. Lugwayan mo pa ang imong pasensiya. Optimistiko ka kanunay. Dugosnon ang romansa. Miyerkoles ang suwerte mong adlaw ug 2, 3, 5 ang palaran mong numero. TAURUS – (Abril 21 – Mayo 21) – Niining semanaha daghan ang makahir sa bag-ong awra sa imong personalidad. Makahatag kag inspirasyon sa kabataan. Ang imong kalamposan mahimong motibasyon sa pagumol sa kabatan-onan. Maanod kas aghat sa tentasyon. Suwerte mong adlaw ang Huybes ug palaran mong numero ang 9, 4, 6. GEMINI – (Mayo 22 – Hunyo 21) – Daghan ang makamatikod sa dakong kausaban sa imong igsoon. Magmabungahon ang imong pag-antos nga mapitol ang imong manghod. Maagni mo na siya nga mokuyog sa pagsimba. Magmalaomon ka. Modungan ka sa pagtungas sa himaya. Martes ang suwerte mong adlaw ug 5, 2, 6 ang palaran mong numero. CANCER – (Hunyo 22 – Hulyo 22) – Makakuykoy kag mapuslanong impormasyon nga magamit mo sa imong pagpanukiduki. Matapos ra ang himoon mong eksperimento. Mahimo kang inila sa katilingban. Ayaw paglugak sa imong tinguha. Madani kas aghat sa pahiyom. Lunes ang suwerte mong adlaw ug 4, 8, 6 ang palaran mong numero. CAPRICORN – (Disyembre 22 – Enero 21) – Niining semanaha manggusod sa imong handurawan ang malipayong nangagi. Madasigon mong alingahon ang imong mga gimbuhaton. Inspirado ka samtang ang gawas sa kamingaw miuliot sa imong kasingkasing. Mainit ang romansa. Suwerte mong adlaw ang Biyernes ug palaran mong numero ang 3, 7, 5. LEO – (Hulyo 23 – Agosto 23) – Niining semanaha makadawat kag imbitasyon nga himoon kang mamumulong sa usa ka programa. Daghan ang makakat-on og pagtulun-an sa ihatag mong mensahe. Di na mausab ang imong hukom. Maaghat kang makighagwaay sa kanhing higala. Suwerte mong adlaw ang Sabado ug palaran mong numero ang 9, 5, ug 2. VIRGO – (Agosto 24 – Septiyembre 23) – Di ka mapiog sa imong baroganan bisag unsang hulga pa ang modangat diha kanimo. Magpabilin kang ligdong sa imong luwatan nga mga pulong. Daghan ang makauyon sa imong panahom. Masum-ok kag relasyon nga magmalungtaron. Domingo ang suwerte mong adlaw ug 6, 1, 8 ang palaran mong numero. LIBRA – (Septiyembre 24 – Oktubre 23) – Niining semanaha makabig ka sa haylo sa madanagong bituon. Usisahon mog maayo ang tanyag sa gustong makigsosyo kanimo. Magmatngon ka nga di mabentahaan. Walay makabalda sa imong pag-asenso. Talagsaong romansa ang imong masinati. Suwerte mong adlaw ang Martes ug palaran mong numero ang 4, 3, 7. SAGITTARIUS – (Nobiyembre 23 – Disyembre 21) – Niining semanaha makadawat kag pahibalo nga maaprobahan na ang imong promosyon. Magpasalamat ka sa Kahitas-an kay gidungog ang imong pangaliya. Di ka makabalibad sa mohangyo kanimo. Makapiyong ka sa tumang kalalim. Suwerte mong adlaw ang Biyernes ug palaran mong numero ang 7, 1, ug 9. SCORPIO – (Oktubre 24 – Nobiyembre 22) – Masulbad mo na ang giatubang nga problemang pinansiyal. Gamitan mog diplomasya aron mapanton ang imong mga siawong manghod. Makombensir mo na sila nga mokuyog sa pagsimba matag Domingo. Matuhog mo ang ipasabot sa pasiplat. Huybes ang suwerte mong adlaw ug 5, 6, 8 ang palaran mong numero. AQUARIUS – (Enero 22 – Pebrero 19) – Malukmay ka sa mga tambag sa imong inahan. Dupot ka nang mag-asikaso sa imong mga asaynment. Magmatngon ka nga di maapil sa uska kontrobersiya. Magpakaligdong ka sa imong kaugalingon. Masum-ok kag malipayong relasyon. Domingo ang suwerte mong adlaw ug 6, 2, 4 ang palaran mong numero.