Pagpagawas sa bag-ong R5 coin ipahunong una ni Sen. Binay

Bisaya - - Cover Story -

ANG Bangko Sentral ng Pilipinas (BSP) nagpagawas og bag-ong coin kun sensiyo nga P5 apan miawhag si Senador Nancy Binay nga hunongon una ang pagpagawas niini.

Matod ni Binay, ang bag-ong singko pesos nga sensiyo nga gipagawas sa BSP sa miaging Disyembre nagdulot lang og kalibog sa mga tawo tungod kay pupareha ra man kini sa kasamtangan nga P1 coin.

“It is best to keep an eye on those new five-peso coins. Lalo na doon sa mga nanunukli ng barya sa tricycle, jeep, tindahan at mga maliliit na negosyo. Sobrang nakakalito ang bagong limang-piso na halos magkasing hawig at laki lang ito ng piso,” nagkanayon si Sen. Binay.

Dugang niya, daghang mga kostumer nga nangreklamo kay nangalipat sila sa ilang pagpamalit ug ingon man daghan sab ang mga negosyante nga nangasayop sa pagsukli kay ang bag-o lagi nga P5 coin mao-mao rag gidak-on sa P1 coin karon ug pupareha ra sad og hitsura.

Ang bag-ong silver minted five-peso coin aduna nay nawong ni Andres Bonifacio nga gipuli sa dagway ni Gen. Emilio Aguinaldo nga nahipatik sa karaang pale gold nga five-peso coin nga anaa pa gihapon karon sa sirkulasyon.

Medyo mas gamay ang generation coins (NGC) kaysa mga karaang BSP series diin ang silver five-peso Bonifacio coin mao-mao rag gidak-on sa one-peso coin nga ang nahipatik mao si Dr. Jose Rizal.— TNB

Newspapers in Cebuano

Newspapers from Philippines

© PressReader. All rights reserved.