MGA BAYANI SA KAWANANGAN

Bisaya - - News - Ni MAR MAÑUS, JR.

SUGOD sa tuig 1950 ang Rusya ug Amerika nagtigi kon kinsa kanila ang makapasupot og satellite sa kawanangan. Sa mao nilang tigi ang Rusya maoy mananaog. Sa tuig 1957 napasupot sa Rusya ang Sputnik I ug gipalibot sa atong planeta aron pagpanghipos og mga kasayoran labot sa mga misteryo sa kinaiyahan. Kini gisundan sa lain pa nilang kadaogan diin ilang napasupot ang laing sakwangan nga may nagsakay nang tawo kaniadtong Abril 12, 1961.

Ang maong Rusyanhon nga wala mobati bisan gamay na lang kalisang sa panawng inusara latas sa kalibotan sa mga misteryo mao si Yuri A. Gagarin. Sakay sa maong spaceship nalibot niya ang atong planeta una siya mahibalik sa yuta nga iyang gigikanan.

Kini gisundan sa usa ka Amerikanhon nga si John H. Glenn, Jr. kaniadtong Pebrero 22, 1962. Ug ang ikatulong nakaadto sa kawanangan usa gihapon ka taga Rusya nga babaye– si Valentina Tereshkova sa tuig 1963.

Ang labing tulukibon sa kasaysayan sa siyensiya mao ang paghidangat sa tulo ka bayani sa kawanangan ngadto sa Bulan diin sila nanganaog gayod sa sakyanan ug namunit og mga bato nga ila gayong nadala sa pagpamauli na nila sa kalibotan.

Kini nahitabo kaniadtong Hulyo 20, 1969 ug ang maong mga bayani mao sila si Neil A. Armstrong, Edwin F. Aldrin ug Michael Colliens.—

Sputnik I

Yuri A. Gagarin

Newspapers in Cebuano

Newspapers from Philippines

© PressReader. All rights reserved.