MGA MANANAOG SA FAMAS AWARDS 2017

Bisaya - - Cover Story -

NANGHAROS ang pelikulang “Barcelona: A Love Untold” sa Star- Cinema nga nakadughit og ubayubayng pasidungog sa gipahigayong seremonyas sa ika- 65th Filipino Academy of Movie Arts and Sciences ( FAMAS) Awards 2017 sa miaging Disyembre 28 didto sa Philippine Science Center Auditorium sa Quezon City.

Ang nakuhang mga pasidungog sa nahisgotang pelikula nga miabot og upat ka award mao ang Best Picture, Best Director alang kang Olivia Lamasan, Best Actor alang kang Daniel Padilla, ug Best Production Design alang kang Shari Marie Montiague.

Ang sunod nga nakadughit og duha ka pasidungog mao ang “The Unmarried Wife,” nga gikan gihapon sa Star Cinema diin nakuha nila ang Best Actress Award ( Angelica Panganiban) ug ang Best Screenplay alang kang Vanessa Valdez.

Lain pang nakadughit og duha ka pasidungog mao ang “Ringgo: The Dog Shooter,” diin ” Best Supporting Actress ang nadughit ni Liza Diño- Seguerra ug Best Child Performer ang nabitbit ni Lance Lucido.

Natukod kaniadto pang 1951 nga orihinal nga Maria Clara Awards, ang FAMAS giila nga maoy dako ug hataas nga tighatag nga grupo og pasidungog o award sa mga Pilipinong anaa sa industriya sa pamelikula diin ang mga mananaog gihukngay sa mga kapunongan sa mga magsusulat ug mga kolumnista. Kini usab ang giila sa nasod nga labing dugay na sa industriya sa pamelikula ug tadhan na nga grupo nga tighatag og mga pasidungog ug usa sa tibuok Asya.—

Newspapers in Cebuano

Newspapers from Philippines

© PressReader. All rights reserved.