Travel ban kabahin sa anti-corruption – Duterte

GIPASABOT ni Presidente Rodrigo Duterte nga ang gipirmahan niyang Executive Order kalabot sa travel ban alang sa Executive department kabahin lang sa iyang administrasyon ug kini nagtumong aron pakigbatokan ang korapsiyon.

Kini gipahayag ni Duterte atol sa birthday celebration ni House Speaker Pantaleon Alvarez sa Tagum City, Davao del Norte dili pa lang dugay.

“I just signed an Executive Order banning travel. You let me know first and I will read, I need to know what you are going for… It’s part of the campaign against corruption. Not only done with malice but those who just want to spend money of the government for nothing,” pahayag ni Duterte.

Buot ni Duterte nga kon si kinsa man ang mobiyahe nga taga executive department kinahanglan nga mosumiter una og itinerary, synopsis o usa ka short memo bahin sa giplanong pagbiyahe.

Gihimong ehemplo sa presidente ang pagbiyahe sa pipila ka executive employee alang sa conventions, seminar sa gawas sa nasod ug uban pang opisyal nga kalihokan.

“They go out every convocation, convention, powwow, seminar, labas ng labas. And for those who have traveled more than 12, you have to go. Hindi na ako bilib diyan sa most of the time nag-ibang bansa,” matod ni Duterte.

Una niini, nagpagawas na og usa ka memorandum si Executive Secretary Salvador Medialdea sa tanang department secretaries ug pangulo sa mga ahensiya kalabot sa pagbiyahe sa mga opisyal sa gobyerno sa Executive department sa gawas sa nasod.

Gidayeg ni Duterte si Alvarez tungod kay aduna kuno kiniy (Alvarez) positibong impact sa nasod.

Si Alvarez u sa sa mga ming-agni kang Duterte sa pagkandidato pagka presidente sa nasod.—