(ANG INYONG KAPALARAN SA ENERO 31 – PEBRERO 6, 2018)
PISCES – (Pebrero 20 – Marso 20) – Di mo angay paminawon ang tsismis sa palibot. Itingob mo ang imong panahon sa imong trabaho. Makakita kag paagi nga mahatagag solusyon ang nakahasol sa imong kaisipan. Mag-ampo ka kanunay. Paminawon mo ang imong kapikas. Sabado ang suwerte mong adlaw ug 7, 3, 6 ang palaran mong numero.
ARIES – (Marso 21 – Abril 20) – Niining semanaha makaani ka na sa gipugas mong panlimbasog. Seguradong magmalamposon ang imong mga anak. Makatrabaho sila sa abroad. Maharuhay na ang imong kahimtang. Masum-ok kag relasyon nga molahutay sa hangtod. Suwerte mong adlaw ang Biyernes ug palaran mong numero ang 8, 5, 2.
TAURUS – (Abril 21 – Mayo 21) – Dumdomon mo ang nataligam-an mong trabaho. Paningkamotan mong makat-onan ang bag-o mong asaynment. Dako ang purohan nga usbawan ka sa imong suweldo. Makalingkawas ka na sa imong kalisod. Makigtagay ka sa saro sa himaya. Miyerkoles ang suwerte mong adlaw ug 6, 9, 4 ang palaran mong numero.
GEMINI – (Mayo 22 – Hunyo 21) – Niining semanaha hatagan mog prayoridad ang pagpauswag sa imong negosyo. Pangunayan mo pag-asikaso ang pagdumala niini. Mogahin kag panahon alang sa pagrelaks. Ikuyog mo pagsimba ang imong pamilya. Mainit ang romansa. Suwerte mong adlaw ang Huybes ug palaran mong numero ang 4, 3, ug 5.
CANCER – (Hunyo 22 – Hulyo 22) – Magmatinud-anon ka sa luwatan mong mga pulong. Makabaton ka nag pagsalig sa imong kaugalingon. Moapil ka na sa kalihokan sa simbahan. Mobalik ka na sa naandan mong pagsimba. Di mo kabalibaran ang maaghatong parayeg. Sabado ang suwerte mong adlaw ug 2, 7, 8 ang palaran mong numero.
CAPRICORN – (Disyembre 22 – Enero 21) – Mahimuot ka sa gipakitang kausaban sa imong minahal. Dupot na siyang makaamgo sa mga leksiyon. Di na siya mokuyog sa barkada. Dako ang purohan nga maagni mo na siyang mosimba. Magpasensiya ka lang. Mohangos ka sa pagpakighagwa. Domingo ang suwerte mong adlaw ang 2, 3, 8 ang palaran mong numero.
LEO – (Hulyo 23 – Agosto 23) – Niining semanaha sangonan kag bag-ong responsabilidad nga maka-promote kanimo. Makapalit ka na sa butang nga dugay na nimong gipangandoy. Makat-on ka nang magbadyet sa imong kinitaan. Pahinuntan mo ang hangyo sa imong minahal. Suwerte mong adlaw ang Lunes ug palaran mong numero ang 9, 3, 6.
VIRGO – (Agosto 24 – Septiyembre 23) – Makadawat kag makapalipay nga balita. Mahinayon ka na pagbakasyon sa probinsiya. Malingaw kang magsud-ong sa kinaiyahan. Mahibalik na ang kalagsik sa imong panglawas. Makigsandurot ka sa imong kaparyentehan. Dugosnon ang romansa. Martes ang suwerte mong adlaw ug 5, 1, 7 ang palaran mong numero.
LIBRA – (Septiyembre 24 – Oktubre 23) – Niining semanaha masunod na ang imong eskedyul. Matapos na ang giapura mong trabaho. Mogahin kag panahon sa paglulinghayaw human sa kasako mo sa buluhaton. Adunay mangayo nimog tambag. Makasinati kag talagsaong dalit sa romansa. Suwerte mong adlaw ang Huybes ug palaran mong numero ang 8, 6, 9.
SAGITTARIUS – (Nobiyembre 23 – Disyembre 21) – Niining semanaha matunhay na ang dagan sa imong panginabuhi. Daghan ang makagusto sa imong serbisyo. Adunay motanyag kanimog ekstrang trabaho. Way mosupak sa imong suhestiyon. Makapiyong ka sa talagsaong dalit sa romansa. Suwerte mong adlaw ang Sabado ug palaran mong numero ang 3, 5, ug 7.
SCORPIO – (Oktubre 24 – Nobiyembre 22) – Magamit mo na ang nahipos mong impormasyon. Matapos na ang gipulawan mong obra. Ipadayon mo ang imong tinguha nga mahimong artist. Makab-ot mo ra ang imong gipangandoy. Ayaw lamang paglugak. Makahir ka sa pahiyom. Miyerkoles ang suwerte mong adlaw ug 4, 2, 5 ang palaran mong numero.
AQUARIUS – (Enero 22 – Pebrero 19) – Niining semanaha mabayran na ang imong mga utang. Gikinahanglan mo na ang pagdaginot aron di ka mabulit sa obligasyon. Pagmatngon sa imong kaugalingon. Ayaw pagpadani sa boladas. Maanod ka sa haylo sa kidhat. Suwerte mong adlaw ang Domingo ug palaran mong numero ang 2, 9, 1.