NOBELA OUROBOROS
The Uroboros has been said to have a meaning of infinity or wholeness. In the age-old image of the Uroboros lies the thought of devouring oneself and turning oneself into a circulatory process, for it was clear to the more astute alchemists that the prima materia of the art was man himself. The Uroboros is a dramatic symbol for the integration and assimilation of the opposite… [It] is at the same time a symbol of immortality, since it is said of the Uroboros that he slays himself and brings himself to life, fertilizes himself and gives birth to himself. He symbolizes the One, who proceeds from the clash of opposites, and he therefore constitutes the secret of the prima materia which [...] unquestionably stems from man’s unconscious. –- Dr. Carl Gustav Jung (1875-1961), Swiss Psychiatrist, Psychoterapist & founder of Analytical Psychology. (Anib 24)
NAGPAHAYAHAY sa kayda sila si Sir Brandon Ragas ug Bruce Iway samtang nanigarilyo ug naghisgot-hisgot sa ilang buhaton pagkasunod adlaw. Nakahukom sila nga ilang ipadayon ang pagpangita sa nawalang duha ka mangangayam. Malinawon ang Buwan nga nagburdahe sa tin-awng langit. Gawas sa panagsang uwang sa mga iro didto sa unahan, ang mga kabog lang ug mga kuwaknit ang laing nagsamok-samok sa gabii.
“Pakuyog lang gihapon ta sa taga Amaris, Bruce,” mipadayon si Sir Brandon Ragas. “Sigehon ta ang atong operations. Nia na god ta… Gawas pa sad, encouraging kaayo ang atong nakit-an karong adlawa.” “Patabangon nato ang backup force?” “Of course, they have to be with us. We’re not going on a picnic. The danger is still here… following our every step. Maayo na lang gani kay nia ang patrol boat sa coast guard ug ilang madala ang tanang armas nga atong nadiskobrehan sa langob… Sila na lang si Director Montinosas unya ang mahibawo anang duha ka tawo nga atong nadakpan. Di man tingali na sila lisod kuhaan og impormasyon… By the way, si Mrs. Antonio di na lang nato pakuyogon. Papahuwayon na lang nato siya dinhi sa ilang Ingko Istoy.”
“Apan kinahanglang maimbestigar na sila kon kinsay nagpaluyo niining gunshop dinhi, Sir.”
“That’s right. Nagkasulti mi ug ang hepe sa CIDG sa radyo ganiha. Mipasalig siya nga magpadala siyag imbestigador dinhi ugma. Akong giingnan nga maayo untag si Douglas ang ipadala niya kay nakaanhi na man si Douglas dinhi dili pa dugay… Morag duna toy ideyang tawhana sa mga kalihokan dinhi.” “Douglas? Senior Inspector Douglas Sustinir?” “Yeah… kaila mo?” “Of course… Estudyante ko na siya kaniadto sa martial arts. Maayo ra ba nang bataa… Hilabihang aresgadoha!”
Nahipalgan ra nila ang patayng lawas sa duha ka mangangayam. Apan kinsa kaha ang nagpatay nila?