WALAY NAHIMUOT SA JOKE NI ALVAREZ

Bisaya - - Balaod Ug Kamatuoran - Ni Atty. Ver Quimco i imco

HUMAN mopalag ang lokal nga mga opisyal sa nasod sa iyang hulga nga dili hatagan og pundo ang mga lokal nga kagamhanan kansang mga opisyal supak sa Pederalismo, gibakwi kini ni Speaker Pantaleon Alvarez sa pag-ingon nga gatiaw lang siya. Morag pagsundog sa estilo ni Presidente Duterte nga dali ra kaayong makakambiyo sa pagpatin-aw nga joke lang ang pipila sa iyang mga pulong nga iyang gibuhian ug nakaagni og negatibong reaksiyon sa publiko. Estilo kini nga iya gyod sa presidente ug sa kasinatian sa iyang pangalagad napuslan kaayo dili lamang sa paghimo sa iyang kaugalingon nga lisod basahon sa iyang mga kaaway kondili nahimo pa kining hinungdan aron mas mahalon ug daygon pa siya sa iyang mga dumadapig.

Apan walay nahimuot sa maong tiaw ni Alvarez. Kinsa ba goy malipay kon ang usa ka taas nga lider sa Kongreso makaako sa paglitok sa maong iresponsableng mga pulong nga inay makaagni sa dugang suporta alang sa Federalismo, makainsulto na hinuon bisan sa mga suporter niini. Labi pa kay tinawng supak sa balaod ang mao niyang gipamahayag kay base sa Konstitusyon dili baya mahimong ihikaw ngadto sa mga lokal nga kagamhanan ang ilang pahat sa mga nasodnong buhis kun Internal Revenue Allotment (IRA). Apan inay mangayo og pasaylo sa mao niyang iresponsableng pahayag, human mobakwi niini ug miingon nga gatiaw lang siya, midugang pa hinuon nga dili niya kini mahimo kay wala kini sa iyang gahom tungod kay bisan tugotan kini sa Kongreso, naa may Senado nga mahimong mobabag niini. Kining maong pamahayag naghuyang lang hinuon og samot sa tumong niya ug sa iyang mga kaubang kongresman nga

Tiaw man kini o palusot, klaro kaayo ang dula karon ni Alvarez ug mga kaalyadong kongresman diha sa sugyot sa kausaban sa Konstitusyon ngadto sa kagamhanang Federalismo.

solohon ang cha-cha, ug dili na ilakip ang Senado niini. Ideya nga tin-aw kaayong nakasupak sa Konstitusyon, sa konseptong bicameral sa atong balay balaoranan ug sa dakong panginahanglan nga demokratikanhon gyod ang pamaagi sa sa pag-usab sa Konstitusyon.

Kahinumdoman nga pipila ka bulan kanhi sayon ra kaayo nilang gihikaw ang pundo sa 24 ka kongresman alang sa ilang mga distrito ug sektor tungod lang kay ang ilang baroganan sukwahi sa administrasyon. Gihimo nila kini sama nga sila ang nanag-iya sa maong pundo, ang ilang gisilotan dili ang mga kongresman sa opposition kondili ang minilyong katawhan sa ilang mga distrito nga nanginahanglan ug responsableng serbisyo sa Kongreso. Wala magtiaw si Alvarez niadto kay ang mga naapektohan man lang nga kongresman ang mingreklamo ug wala kini makakuhag igong simpatiya sa publiko.

Tiaw-tiaw man lang o dili ni Alvarez ang maong illegal nga sugyot, kini naunhan pa sa daghan na kaayong mga surambaw nga iyang gihimo sa hilisgotan sa kausaban sa Konstitusyon. Ang iyang gihimong pamahayag uban sa hubog-sa-gahom niyang mga kaalyado sa Kongreso nga ipadayon na ang ilang termino ug sa ubang piniling mga opisyal nga wala nay eleksiyon sa sunod tuig kay kuno gikinahanglan kini aron imontar ang transisyon sa pagmontar sa Federalismo. Misinta niini ang publiko tungod kay klarong supak kini sa balaod, supak sa demokrasya ug tin-aw nga pagsakay ug pagpahimulos sa politikanhong kahigayonan sa cha-cha. Bisan ang Malacañang misupak kaniya kay matod pa, bisan si Presidente Duterte supak niini ug nga madugangan pa ang iyang termino. Gibakwi kini dili pa dugay ni Alvarez apan wala pa siya moingon nga kini tiaw. Wala pod siya mangayo og pasaylo sa pagpadayag niini.

Dungan niini, sama sa diktador ug hari nga mideklarar si Alvarez nga iya kunong tukoron ang Con-Ass diha sa pagtigom sa gidaghanon sa mga kongresman ug senador (duha ka balay sa kongreso nga nagbalewala sa Senado isip lahi ug may kaugalingong gahom nga balay balaoranan). Sa baroganan nga tin-awng pag-insulto sa mas taas nga balay balaoranan sa Senado, si Alvarez miingon nga mopadayon kuno ang mga kongresman kon dili moipon ug manaog sa ilang han-ay ang mga senador ug humanon nila gilayon pagtagik isip constituent assembly ang kausaban sa Konstitusyon ngadto sa Federalismo aron ipahigayon na ang plebisito karon dayong Mayo. Butang kini nga imposibleng mahitabo sa proseso sa demokrasya kay ang kausaban sa Konstitusyon nanginahanglan bayag dugay ug lawom nga konsultasyon sa mga sektor sa katawhan, ingon man sa seryosong pagtuki sa mga nagtagik niini.

Mingpalag ang mga senador ug daghang inilang legal nga mga personalidad sa nasod sa iyang pamahayag. Wala man tuod niya kini bakwia, wala man tuod niya angkona nga tiaw lang kini, apan ning ulahi pa lang gipamahayag niya nga andam siyang makighinabi sa mga senador aron maresolba kining maong bangi.

Tiaw man kini o palusot, klaro kaayo ang dula karon ni Alvarez ug mga kaalyadong kongresman diha sa sugyot sa kausaban sa Konstitusyon ngadto sa kagamhanang Federalismo. Sakyan nila ug pahimuslan ang tanang kahigayonan nga sila ang unang mabulahan sa cha-cha. Gamiton nila ang ilang gahom ug alyansa sa administrasyon aron mapadali kini ug masuksok ang mga kausaban sa Konstitusyon nga mopabor sa ilang interes bahala nag nangahulogan kinig dugang pag-antos sa katawhan. Wala silay kaulaw nga mohimo niini basta makalusot lang. Lutsan ang tanan, gamiton ang lipat-lipat ug puwersa sa politika makalusot lang ug kon mabaraw pila ray pag-ingon nga ti-aw o joke ra ang tanan. Sa mga pulong pa ni Senador Panfilo Lacson, kon dunay doble kabaga nga nawong mao na kini ang mga kongresman nga nagbaton sa maong mga baroganan.

Pagkadaghan na gyod sa jokes ni Speaker Pantaleon Alvarez ug mga kaalyadong kongresman. Ang problema lang gyod nila kay

walay nahimuot niini.—

Newspapers in Cebuano

Newspapers from Philippines

© PressReader. All rights reserved.