(ANG INYONG KAPALARAN SA MARSO 21 – 27, 2018)
PISCES – (Pebrero 20 – Marso 20) – Niining semanaha makabig ka sa kamatuorang espirituwal. Mokuyog ka sa pagsangyaw sa Maayong Balita. Desidido ka nang magbag-o sa imong kaugalingon. Himoon kang ehemplo sa imong mga manghod. Matuhog mo ang agni sa pasiplat. Suwerte mong adlaw ang Sabado ug palaran mong numero ang 4, 7, ug 5. ARIES – (Marso 21 – Abril 20) – Masangkaron ang imong pagpanglimbasog. Motaas ang lebel sa imong enerhiya. Daghan kag matapos nga trabaho. Makakuha kag taas nga marka sa imong perpormans. Maapil ka sa promosyon. Masabtan mo ang mensahe sa siniplatan. Martes ang suwerte mong adlaw ug 4, 1, 7 ang palaran mong numero. TAURUS – (Abril 21 – Mayo 21) – Niining semanaha analisahon mo ang sitwasyon sumala sa tinuod nga nahitabo. Di ka angay nga mopakanaog og konklusyon. Kinahanglan nga timbang-timbangon mo ang mga panghitabo. Magpanilap ka sa kaibog sa imong gihalaran. Suwerte mong adlaw ang Huybes ug palaran mong numero ang 3, 5, 9. GEMINI – (Mayo 22 – Hunyo 21) – Matugkad mo na sa imong kaugalingon ang nakapahasol sa imong hunahuna. Himoon mo lang simple ang mga butang nga nahitabo sa imong kinabuhi. Di ka angay mabalaka sa umaabot. Mosalig ka sa Diyos. Matagbawon ang romansa. Miyerkoles ang suwerte mong adlaw ug 6, 2, 7 ang palaran mong numero. CANCER – (Hunyo 22 – Hulyo 22) – Niining semanaha masulbad mo na ang problema sa kuwarta. Adunay moabot nga ayuda gikan sa imong igsoon nga nagtrabaho sa abroad. Apan manglimbasog ka nga makasugakod sa imong panginahanglan. Kusog ang imong karisma. Suwerte mong adlaw ang Sabado ug palaran mong numero ang 5, 3, ug 4. CAPRICORN – (Disyembre 22 – Enero 21) – Niining semanaha makadiskobre kag tinagoan nga di angay nga ibutyag. Mabuking ang imong sekreto kon ipanugilon mo kini. Maayo pang magpakahilom ka lang kaysa masuong ka sa kontrobersiya. Madani ka sa maaghatong pahiyom. Suwerte mong adlaw ang Miyerkoles ug 8, 4, 5 ang palaran mong numero. LEO – (Hulyo 23 – Agosto 23) – Mabalik na ang nawani mong importanteng butang. Makakuha ka nag leksiyon sa mapait mong kasinatian. Kinahanglan nga magmatngon ka na kanunay. Mogahin kag panahon alang sa simbahan. Maaghat ka nga makigparayganay. Domingo ang suwerte mong adlaw ug 2, 1, 3 ang palaran mong numero. VIRGO – (Agosto 24 – Septiyembre 23) – Niining semanaha daghan ang makamatikod sa madanihon mong awra ug personalidad. Adunay makahir sa imong katahom. Itingob mo ang imong panahon sa pagtuon aron magmalamposon ka. Makatagamtam kag talagsaong romansa. Suwerte mong adlaw ang Biyernes ug palaran mong numero ang 8, 4, ug 7. LIBRA – (Septiyembre 24 – Oktubre 23) – Mopatigbabaw ang imong baroganan bisan sa mga pagsulay nga midangat sa imong kinabuhi. Magpabilin kang ligdong sa kaugalingon. Buhaton mo ang tanan aron makab-ot ang imong gipangandoy. Ikapahungaw na ang gitipigan mong pagbati. Lunes ang suwerte mong adlaw ug 3, 2, 6 ang palaran mong numero. SAGITTARIUS – (Nobiyembre 23 – Disyembre 21) – Mapalapdan mo ang imong pakigbisog nga dugay na nimong gipangandoy nga makat-ob. Di makawang ang imong gitinguha kay ubanan mo man kini sa kadasig. Ayaw paglaktaw sa pagsimba matag Domingo. Makapagilok ang imong hagawhaw. Biyernes ang suwerte mong adlaw ug 7, 3, 9 ang palaran mong numero. SCORPIO – (Oktubre 24 – Nobiyembre 22) – Niining semanaha interesado kang makaton bahin sa usa ka panginabuhian. Gusto kang makatrabaho sa abroad. Matuman kini basta kanunay kang mag-ampo sa Ginoo. Di ka lang usab molugak sa imong pangandoy. Ikahimamat mog balik ang imong gihalaran. Suwerte mong adlaw ang Martes ug palaran mong numero ang 5, 1, 4. AQUARIUS – (Enero 22 – Pebrero 19) – Matapos na ang imong kontrata sa di pa moabot ang dedlayn. Dako ang purohan nga makakuha kag laing proyekto kay maayo man ang imong perpormans. Mohatag kag donasyon sa simbahan. Maanod ka sa maaghatong hapuhap. Domingo ang suwerte mong adlaw ug 3, 6, 2 ang palaran mong numero.