“MY PERFECT YOU”: IT COMES NATURALLY…

GISALIDA na sa mga sinehan sa tibuok nasod ang lilas nga “My Perfect You” nila ni Gerald Anderson ug Pia Wurtzbach ubos sa direksiyon ni Cathy Garcia Molina sugod adtong Marso 14.

Ang kanhi Miss Universe nga si Pia bag-o pa lang nga miapil sa “The Revenger Squad”, nga nanguna sa takilya pagsalida niini.

Sa ilang pamahayag sa mga reporter, si Wurtzbach ug si Anderson mingtug-an sa ilang mga nasinati ning una nilang panag-uban sa pelikula ubos kang Direk Garcia-Molina.

“Kakaiba siya,” ni Gerarld pa, sa walay paghisgot sa detalye. “Look test pa lang namin, challenging na.”

Si Pia wala usab makahisgot bahin sa estorya apan nagpahayag sa iyang kamadasigon sa pagkaukyab nga mahagit na usab siya sa akting.

“Talagang marami akong natutunan. Sabi nga ni Direk sa’kin, ‘Aaalisin ko ‘yung pagiging Miss Universe mo.’ Game naman ako!” matod niya.

Dugang pa sa kanhi Mis Universe: “Napapanood ko na si Gerald noon pa lang, at alam kong magaling talaga siya. Na-tsa- challenge ako na kailangan galingan ko, kasi ang galing niya. Hopefully kinaya naman yata. Kaya, actually!”

Si Direktor Molina, sa laing bahin, nagpahayag nga wala siya maglaom og dihadiha nga kemistri sa iyang mga bidang artista nga una lang niyang personal nga gikahimamat sa story conference.

“I want to take it as it comes,” matod pa sa direktor. “Every day, as we work together, doon ko lang nakikilala kung sino sila. Every character is a work in progress. When we go along, that’s when we see the magic. It just comes out, naturally, in time.”

Ang maong pelikula giprodyus sa Star Cinema sa ABSCBN.—