(ANG INYONG KAPALARAN SA MARSO 28 – ABRIL 3, 2018)

PISCES – (Pebrero 20 – Marso 20) – Paminawon mo ang tambag sa imong inahan. Mahinuktokan mo ang nangaging panghitabo sa imong kinabuhi. Usbon na nimo ang imong batasan. Molikay ka sa imong barkada. Magmalamposon ka sa umaabot. Dugosnon ang romansa. Domingo ang suwerte mong adlaw ug 8, 9, 1 ang palaran mong numero. ARIES – (Marso 21 – Abril 20) – Niining semanaha ibubo mo ang imong atensiyon sa mga gimbuhaton nga mahimong produktibo ang resulta. Hatagan mo usab og prayoridad ang imong pagtuon. Dili mo angayng tagdon ang mga pagsuway. Mabatyagan mo ang kagilok. Suwerte mong adlaw ang Miyerkoles ug palaran mong numero ang 2, 4, 3. TAURUS – (Abril 21 – Mayo 21) – Isalikway mo ang imong negatibong emosyon. Kinahanglan nga ipatigbabaw mo ang imong rason kaysa emosyon. Ayaw pagpadala sa imong kasuko. Angay kang kalmante nga mopakanaog og desisyon. Hulaton mo nga magkadungan sa paghangos. Lunes ang suwerte mong adlaw ug 8, 9, 2 ang palaran mong numero. GEMINI – (Mayo 22 – Hunyo 21) – Niining semanaha may tendensiyang buntogon ang imong kataposang pailob. Madasig kang magtrabaho kay dugangan ang imong suweldo. Makapalit ka na sa gipangandoy mong butang. Paminawon mo ang maayong tambag. Matagbawon ang romansa. Suwerte mong adlaw ang Martes ug palaran mong numero ang 5, 3, 4. CANCER – (Hunyo 22 – Hulyo 22) – Makasinati kag krisis sa kuwarta pero dali ra kining masulbad. Makakuha kag laing kontrata inighuman sa imong proyekto. Makakuha ka nag leksiyon sa nahiagoman mong masakit nga kasinatian. Kusog ang imong karisma. Domingo ang suwerte mong adlaw ug 4, 6, 7 ang palaran mong numero. CAPRICORN – (Disyembre 22 – Enero 21) – Gamiton mo ang mapuslanon mong ideya. Hulipan mo sa kakugi ang gibati mong katapol. Wa kay mapunit nga kaayohan sa imong kataspokan. Mawala ra ang kasipok sa imong ulo. Makahibalag kag binuhat nga mounong kanimo sa hangtod. Lunes ang suwerte mong adlaw ug 5, 1, 7 ang palaran mong numero. LEO – (Hulyo 23 – Agosto 23) – Niining semanaha mahimong maatubang kag makauulaw nga sitwasyon kon di ka magmatngon sa imong kaugalingon. Ayaw na pagkuyog sa barkada nga inudnod ka sa kaalaotan. Maayo pang magtuon kag maayo. Madani ka sa pahiyom. Suwerte mong adlaw ang Sabado ug palaran mong numero ang 3, 2, ug 8. VIRGO – (Agosto 24 – Septiyembre 23) – Magmabulokon ang ihat-ad mong diskarte. Di kini malupigan sa tinandiay. Padayon kang magmalalangon sa imong obra. Daghan ang makagusto sa imong disenyo. Mokusog ang order sa imong tinda. Maaskil ang imong lawas human sa seks. Biyernes ang suwerte mong adlaw ug 7, 8, 9 ang palaran mong numero. LIBRA – (Septiyembre 24 – Oktubre 23) – Niining semanaha madugtongan ang naputol mong pangandoy. Adunay motanyag kanimog ekstrang trabaho. Dili ka modayon pag-undang sa imong pag-eskuyla. Magmalamposon ka sa imong ambisyon. Tugbangan mo ang mainitong kaagresibo. Suwerte mong adlaw ang Huybes ug palaran mong numero ang 4, 7, 6. SAGITTARIUS – (Nobiyembre 23 – Disyembre 21) – Niining semanaha mahupay ra ang imong kahiubos. Kinahanglan isentro ang imong atensiyon sa imong pagtuon. Dili maayo ang pagpangluod. Madugangan ang imong alawans. Mabaid ang imong salabotan. Matunhay ang dagan sa relasyon. Suwerte mong adlaw ang Sabado ug palaran mong numero ang 9, 3, 4. SCORPIO – (Oktubre 24 – Nobiyembre 22) – Magmatukion ka sa gihimo mong panukiduki. Di mo undangan ang imong kasibot hangtod matapos ang imong gisulat. Mahimong mainila ka sa katilingban. Di angay maghinobra ang imong garbo. Pabugnawon sa imong pagmahal ang pangabubho. Martes ang suwerte mong adlaw ug 2, 6, 8 ang palaran mong numero. AQUARIUS – (Enero 22 – Pebrero 19) – Niining semanaha molutaw ra ang kamatuoran nga nasalipdan. Mabalik ang maayong relasyon sa mga nagkabangi nga managsoon. Gamitan mog diplomasya aron mahusay ang ilang kagubot. Masum-ok kag relasyon nga makalipay kanimo. Suwerte mong adlaw ang Biyernes ug palaran mong numero ang 3, 6, ug 2.