MALIPAYON SI RYZA CENON SA PAGBALHIN SA CHANNEL 2
DAKO ang pagpasalamat ni Ryza Cenon sa ABS-CBN nga gidawat siya isip bag-ong artista sa Kapamilya. Halos duha ka buwan na siya karong artista sa naasoyng estasyon. Malipayon ug kontento siya sa iyang kahimtang ug naghinam-hinam sa daghang mga proyekto nga moabot niya karon.
Kahinumdoman nga gidala ni Ryza ang papel ni Georgia, usa ka kontrabida, sa natapos nga seryeng “Ika-6 Na Utos”. Karon, usa na siya sa gikahinaman nga artista sa Kapamilya crime show nga “FPJ’s Ang Probinsyano.” Gidala niya ang papel ni Aubrey Hidalgo, anak ni Presidente Juan Policarpio (Rowell Santiago) ug First Lady Marissa Hidalgo (Dawn Zulueta).
Gibutyag ni Ryza nga dakong challenge ang iyang pagdala og papel sa FPJ’s Ang Probinsyano.
“Medyo mahirap siya, challenging siya kasi from mataas na Georgia biglang bagsak sa sweet lang, mabait na Aubrey,” pu’ng pa sa dalaga.
Gipadayag niya ang iyang kahinam nga makauban usab sa laing TV series, ang “The General’s Daughter” sila si Maricel Soriano ug Angel Locsin.
“Excited ako di lang sa bagong show kungdi yung mga makakasama ko sobrang bigatin. Medyo nakaka-pressure pero nae-excite ako, alam ko kasi na may matutunan ako galing sa kanila. Nanlamig ako kasi pagpasok ko dun sa room, pagtingin ko sa mga cast, ‘Wow!’ Siyempre flattered ako na makasama dun. Sundalo ang role ko.”
Kon gipanugnaw man si Ryza dali ra kining napulihan sa kainit sa pagdawat kaniya sa mga cast isip kauban sa pamilya.
Gilaoman sa dalaga nga labi pang magmabungahon ang iyang pag-artista karon sa bag-o niyang estasyon.—