IKAW ANG WA MAHUMAN NGA PROYEKTO SA GINOO

NAKABANTAY ba ka? Gusto ta nga magsugod pagbuhat og usa ka butang apan dili nato kini mahuman. Si John Maxwell, bestselling author, ganahan kaayo mopaambit ning maong pananglitan. Niya pa, kon moadto ka sa usa ka fitness gym sa Enero, dili ka makaparking sa imong sakyanan tungod kay puno na kini. Ug human sa tunga sa oras nga paghinulat, usa pa ka makaparking.

Apan sa pagsulod mo na sa gym, mahingangha ka nga magtan- aw sa kadaghan sa mga tawo nga nanagpasingot nga mora bag dunay midnight sale sa paborito nimong deparment store.

Moadto ka sa front desk ug moreklamo. “My gosh, kadaghan sa tawo dinhi. Una, dili ko makaparking sa akong awto. Ikaduha, dunay mga tulo ka tawo nga naghuwat sa linya sa atubangan sa matag treadmill. Angay na ninyong padak- an ang inyong gym ug dugangan ang gibutang nga exercise machines!”

Apan ang babaye nga diha sa lamesa mipahiyom lang ug miingon, “Sir, palihog balik sa Pebrero ug duna nay dakong kalainan.”

Sa Pebrero mibalik ka ug dili ka makatuo sa imong nakita.

Nakaparking ka sa imong sakyanan atubangan sa main

entrance. Mipaingon ka sa gym ug labihang mingawa! Nganong nahitabo kini? Tungod kay sayon ra kaayo ang pagsugod apan lisod ang paghuman.

Gani, dili na kinahanglan nga adtoon pa nimo aron panid- an ang gym. Kon duna kay exercise machine sa imong panimalay sama sa Ab- Flex, Stair- Master, Sky- Rider, treadmill, stationary bicycle, dumbbells, yoga mats, hoolahoops, skipping ropes, boxing gloves nga nagtigom lang og mga abog, wa ka mag- inusara.

Segun sa estadistika, 97 porsento sa mga exercise machine ang dili magamit human sa tulo ka buwan nga kini napalit. Kay lagi, sayon ang pagsugod apan lisod ang pagtapos. Apan lahi ang Ginoo. Kon magsugod Siya og proyekto, Iya kining humanon. Ang Bibliya nag- ingon, “Siya nga nagsugod sa maayong buhat diha kaninyo magapadayon sa pagbuhat aron kini mahingpit unya sa adlaw ni Hesukristo.” ( Philippians 1: 6)

Ang tanang kalamposan mao ang paghuman sa unsa may nasugdan. Busa higala, usa ikaw ka proyekto sa Ginoo. Gisugdan niya ang usa ka maayong butang diha kanimo ug dili Siya molunga diha nimo.

Ang ubang tawo mahimong mawad- an na og paglaom diha nimo apan ang Ginoo dili gyod magpasagad ug motalikod nimo. Iyang humanon ang unsa man nga Iyang nasugdan.

Ug sahi sa bisan unsang butang nga padayong gitrabaho, mahimong dili ka maayo sa panan- aw sa uban karon. Nagkayagaw ang imong kahimtang. Ang kinabuhi ingon sa way padulngan.

Apan ayaw pag- atras. Ayaw paglunga. Tungod kay ang Ginoo padayon nga misalig ug nagtrabaho alang sa imong kalamposan. Busa padayon sa imong pagpanlimbasog. Kay ang Bibliya nag- ingon, “Padayon akong nagbugtaw paingon sa akong tumong aron maangkon ang ganti nga mao ang langitnong pagtawag sa Dios kanako diha kang Hesukristo.” ( Philippians 3: 14)

Sa bisan unsang butang sa kinabuhi sama sa pagehersisyo, panaghiusa sa kaminyoon, negosyo ug bisan sa espirituwal nga kinabuhi, ang kalamposan maangkon kon hingpit nga humanon ang tanang nasugdan.

Kay dili mahinungdanon kon giunsa nimo sa pagsugod apan sa kon giunsa nimo sa pagtapos ang nasugdan pinasubay sa panudlo sa Ginoo.

Manghinaot ko nga imong kahatagan og katumanan ang imong mga damgo.—

Segun sa estadistika, 97 porsento sa mga exercise machine ang dili magamit human sa tulo ka buwan nga kini napalit. Kay lagi, sayon ang pagsugod apan lisod ang pagtapos.