JILLIAN WARD
Ultimate Dream nga Mosunod sa Tunob ni Marian Rivera
USA sa mga child actress kaniadto nga dakog potensiyal nga mahimong big star sa umaabot nga mga adlaw kini si Jillian Ward. Misamot kaguwapa karon ang teenager samtang nagkadako. Maong daghan ang nagtuo nga seguradong gahinan og mga proyekto sa GMA-7 ang future teen star sa Kapuso Network.
Gibutyag sa 13-anyos nga aktres nga buot niyang mosalga sa mga papel nga heavy drama kay naanad na lagi siya sa hinilakay nga esena. Maoy iyang gusto nga ma- challenge ang iyang acting. Kay sa “Daig Kayo ng Lola Ko” ingon sa nagestorya lang ang esena nila, samtang naghinubay ngadto sa mga bata si Lola Gloria. Pero iya na kining gi- suggest sa production, nga unta panagsaan pod nga dunay heavy drama.
Kahinumdoman nga upat pa lang ka tuig si Jillian Ward migawas na siya sa usa ka komersiyal sa gatas. Sa halos 500 nga nag-awdisyon, siya maoy napili nga mahimong model sa maong commercial.
Sukad adto, nahimong mainstay kadiyot si Jilian sa TV show nga “Wachamakulit” ug unya gibidahan dayon niya ang TV series nga “Trudis Liit” sa GMA-7. Nakaapil usab siya sa ubay-ubay nga mga pelikula ug programa sa Kapuso Network ug karon regular na siyang matan-aw matag Domingo sa “Daig Kayo ng Lola Ko” isip si Alice. Ang maong drama-fantasy-anthology gipangunahan sa beteranang aktres nga si Ms. Gloria Romero.
“Gusto ko po talagang maka-acting uli ng drama, kasi nami-miss ko na rin ang um-acting, ‘yung heavy drama po talaga na parang noon sa Sa Piling ni Nanay. Kasi, heavy drama po ‘yun. Talagang ano po ‘yun eh, intense. Umabot pa nga po ‘yun sa Malaysia. Sobrang sikat po sa Malaysia niyon,” maoy butyag sa dalagingding dihang atong gikahinabi usa ka adlaw niana.
“Bale 2016 po ‘yun, nandoon po sina Ate Yasmien Kurdi, Ate Katrina Halili, Kuya Mark Herras and Tito Gabbi Eigenmann. Actually, guest lang po ako roon ng five days, tapos na-extend po kami ng five months kasi talagang ‘yung ratings po, tuloy- tuloy na mataas po. Lagi kaming top noon, kaya na-extend po,” dugang pa ni Jillian nga nagpahiyom.
Di pa lang dugay, nag- taping siya sa “Magpakailanman” ni Mel Tiangco ug dako ang iyang kalipay nga gihatagan siyag challenging nga papel kauban sila si Epi Quizon ug Mickey Ferriols, sa direksiyon ni Direk LA Madridejos.
Pangandoy usab ni Jillian nga modala sa papel ni Dyesebel ug makahimo og album. Pero magdepende lagi pod ni sa GMA-7 kon unsay gusto nilang dalan nga ipasubay niini.
Pero, maoy iyang ultimate dream nga mosunod sa tunob ni Marian Rivera.
“Siyempre po, Marian Rivera po iyan at siya po ‘yung unang idol ko na Kapuso since nag-i-start pa lang po ako sa showbiz. Sa singing naman po, si tita Regine Velasquez.
“Idol ko po sila dahil sobrang versatile po nila… like si Ate YanYan, kahit anong role, talagang nagagawa niya po at ang ganda niya po talaga. Kay Tita Regine naman po, ibang klase po talaga ang boses niya. Iyong first mall show ever ko po, kinanta ko ‘yung kanta niyang Isang Lahi and mabait din po silang dalawa talaga,” pu’ng pa ni Jillian.
Pagka karon, plano ni Jillian nga maghimo og covers sa usa sa mga giidolo niyang singer nga si Darren Espanto ug i- upload kini sa YouTube.
Sa mga nanagsunod sa showbiz career ni Jillian ug gusto nga makita ang iyang YouTube channel, libre ang pagbisita ug ang pagsubscribe sa iyang YouTube account – Jillian Ward.—