NGANONG MOPUTI MAN ANG BUHOK?
MINUGBONG KASAYORAN
ANG pagputi sa buhok dili gayod kalikayan samtang magkatigulang na ang tawo. Kon maghinangat o molapas na ang tawo sa pangedaron nga 30 anyos aduna nay mga puting buhok nga motumaw. Kabahin sa normal nga pisyolohiya (physiology) sa panglawas sa tawo ang pagkausab ug paghinay sa lainlaing sistema kon magkatigulang na. Dungan niining maong kausaban mao ang pagkausab pod sa kolor sa buhok— nga kon kaniadto itom, mahimo nang puti.
Sa samang higayon, ang hydrogen peroxide usa ka sangkap nga gigamit sa pag- bleach o pagtangtang sa kolor. Ang hair cells mismo momugna og iyang kaugalingong hydrogen peroxide. Ug samtang magkatigulang o magkataas ang edad sa tawo, magkadaghan usab ang hydrogen peroxide ug sumala pa sa mga researcher mao kini ang hinungdan sa pagkaputi o pagpamuti sa mga buhok.
Pero ngano man lagi nga ang ubang tawo bisan layo pa kaayong mag-30 anyos panugkan na man og uban? Unsay hinungdan nga sayo man silang giuban o ubanon? Ang usa sa mga hinungdan nganong sayong ubanon ang ubang tawo bisan og batan-on pa kaayo mao nga kon ang iyang mga ginikanan ug mga magulang mga ubanon o giuban na, mao kanay gitawag nga kaliwat gyod o kaliwat og ubanon. NGANONG ITOM MAN ANG ATONG BUHOK SA SINUGDANAN? Ang kaitom sa atong buhok naggumikan sa pigment nga gitawag og melanin. Matag lugas sa buhok adunay melanin. Adunay melanin nga dark ug aduna poy light. Ang kombinasyon sa dark ug light maoy nagmugna og uban pang kolor sa buhok nga makita sa nagkalainlaing kaliwatan.
Kon magkatigulang na ang tawo inanay nga makuhaan ang melanin ug moresulta kini sa pagputi sa buhok. Kon mahurot na ang melanin moputi na sab ang tanang lugas sa buhok. SOLUSYON ARON DILI DALING UBANON Undangan ang pagpanigarilyo -- Ang sigarilyo adunay sangkap nga kemikal nga makapaputi sa buhok. Busa labing maayo nga hunongon na kining maong bisyo. Pagmentenar og Vitamin B12 -- Ang maong bitamina adunay maayong epekto alang sa buhok. Makuha ang bitamina B12 gikan sa karne, isda, manok, itlog ug gatas. Mag-ehersisyo -- Ang regular nga pag-ehersisyo makahatag og kaayohan sa panglawas. Makaabag sab ni sa pagsirkular sa dugo sa tibuok lawas lakip na sa bagulbagol ug moresulta sa maayong pagtubo sa buhok busa dili ra dali nga mamuti ang buhok. Likayan ang pagkaon og mga junk food ug pag-inom og alak -- Ang sobra nga pagkaon og mga kalan-on nga walay sustansiya ug kanunayng yng pag-inom pag-i og alak makapadali rang makapatigulang sa hitsura.— —