MEL B. LIBRE: B ISDAK NGA “MULTI-TASKER” SA NEW ZEALAND
USA ka Bisayang dako milangyaw uban an sa iyang pamilya ngadto sa New Zealand aron on didto pangitaon ang kalamboan ug mahayag yag nga kaugmaon sa iyang banay. Usa siya ka CPA/Lawyer kun certified public accountant ug abogado. May lain pang mga talento nga iyang gihuptan: usa siya ka kompositor sa mga awit ug magsusulat. Siya mao si Atty. Mel B. Libre.
Migradwar si Mel sa elementarya sa Cebu Normal Laboratory School ug gitapos ang segundarya sa Abellana National School, Cebu Ciy. Migradweyt siya sa University of San Carlos, Cebu City, nga nag-ilok og Bachelor of Commerce, major in Accounting. Natapos pod niya ang Bachelor of Laws sa maong unibersidad.
Sa didto na siya sa New Zealand, nakompleto niya ang importanteng mga asignatura nga gikinahanglan aron siya mahimong kalipikado nga membro sa New Zealand Law Society.
Sa iyang pagka CPA, nakaalagad si Mel sa Aboitiz & Co., Inc. isip internal auditor sa mga tuig 1978-1982. Dihang nakapasar siya sa ‘bar’, nahimo siyang associate general counsel sa maong kompaniya sa mga tuig 1982-1998. Unya nag-establisar siyag kaugalingong bupete sa mga tuig 19992005 ug nahimong director/consultant sa Deloitte & Touches sa mga tuig 2003-2005. Dayon sa mga tuig 2006-2015
mialagad siya isip court registry officer sa High Court of New Zealand. Karong tuiga, 2018, nagpa- enroll siya isip barrister/ solicitor sa New Zealand Law Society.
Sa dinhi pa siya sa Sugbo, nahimo siyang propesor sa USC College of Law ug mediator sa Philippine National Labor Relations Commission. Nahimo sab siya nga national president sa Philippine Institute of Certified Public Accountants; chairman sa Philippine National Red Cross, Cebu Chapter; ug vice president sa Integrated Bar of the Philippines, Cebu Chapter.
Sa New Zealand, siya ang presidente sa Katilingbang Bisaya sa New Zealand; vice chairman sa Migrant Action Trust, New Zealand Charitable Trust; ug founder/lead servant sa TawagAwit, music ministry nga may siyam (9) ka tsapter sa tibuok New Zealand.
Nakadawat siyag pasidungog isip “Outstanding Alumnus in the Field of Accountancy” gikan sa Carolinians, Inc., ang alumni association sa University of San Carlos. Karong tuiga, 2018, gitunol kaniya ang pasidungog isip “Distinguished Alumnus” gikan sa University of San Carlos School of Business and Economics.
Naghupot sab siyag talento sa musika. Kompositor siya sa mga awit diin nahimo siyang ‘ finalist’ sa lainlaing tigi sa pagsulat og awit sama sa Jingle Magazine Song Writing Contest ug Mega Cebu Songwriting Contest. Siya ang nagtagik sa mga ‘anthem’ sa Sun.Star Publishing, CitySavings Bank, Palarong Pambansa, USC 400th Founding Anniversary, Philippine Red Cross ug Philippine Institute of Certified Public Accountants (PICPA). Recording artist pod siya, kay nag- produce ug nag- release sa kinaugalingong mga music album sa Sugbo.
Isip magsusulat, si Mel may duha ka ‘column’ nga nagdagan sa Sun.Star Cebu: Free Verse ug Seriously Now. Siya sab ang publisher/editor sa BAYANIZ, usa ka e-magazine for Filipinos in New Zealand. Isip literary writer, siya ang author sa libro nga “The Rooster Whose Crow Was a Bleat and Other Short Stories”.
Bisan alinga sa mga buluhaton isip CPA ug manlalaban, may panahon siya nga gigahin alang sa pag-organisar og mga kalihokan kun ‘ event’. Dinhi sa Sugbo, siya ang nag-organisar sa “Yukbo: Ang Konsiyerto” gikan sa 1986 hangtod 2005 nga nagpasundayag sa masilakong mga mag-aawit isip paghandom sa1986 People Power Revolution. Sa New Zealand, daghan ang mga ‘ event’ nga iyang gipasiugdahan
nga naglakip sa LingawDuwa (gikan 2013 hangtod karon) diin pagaduwaon ang tradisyonal nga mga duwang Pilipinhon, sama sa bato-lata, dakop-dakop, tubig-tubig, siyatong ug takyan. Ang mga magduduwa magpormag team nga magdala sa ngalan sa tribu.
Gidumala pod niya ang “Adlaw sa Pinulongang Binisaya” nga gipaluyohan sa Katilingbang Bisaya sa New Zealand aron sa pagpalambo sa pinulongang Binisaya ug usab, aron magkatapok ang mga Pinoy nga nanaglitok sa maong pinulongan. Sa maong kalihokan may moawit, may mobalak, may modiskurso ug mopasundayag og mga ‘skets’ nga Binisaya. Sa miaging Marso 25, 2018, may concert si Max Surban didto sa Auckland, New Zealand.
Si Mel natawo sa Cebu City niadtong Nobiyembre 6, 1956. Anak siya nilang Angel Rafols Libre, Jr. ug Milagros Batulan Libre. Naminyo siya kang Divina Chua nga taga Aurora, Zamboanga, nga usa sab ka CPA. Gitugahan silag tulo ka anak: sila si Kim Angelo, registered nurse sa New Zealand; Melodi Jam, registered nurse pod; ug Mel Elijan, I. T. specialist sa New Zealand gihapon. Si Mel ug si Divina may upat na ka apo. Nagpuyo karon sila sa 60 Yumelody Lane, Tamahere, Hamilton, New Zealand.—