Mirror Of Fortune
(ANG INYONG KAPALARAN SA AGOSTO 22 – 28, 2018)
PISCES – (Pebrero 20 – Marso 20) – Niining semanaha modako ang kita sa imong negosyo. Angay pang dugangan ang imong stocks aron makalahutay sa kompetensiya. Mohatag kag donasyon sa simbahan. Magpabilin kang maaghopon sa uban. Tugbangan mo ang kalalim. Suwerte mong adlaw ang Lunes ug palaran mong numero ang 3, 7, 6.
ARIES – (Marso 21 – Abril 20) – Makakat-on kag laing pamaagi aron moasenso ang imong kahimtang. Maghuligpot ka sa paghawid sa imong kuwarta. Ayaw kalimot sa pagtabang sa mga kabos. Di ka hikawan sa grasya kon di ka malimot sa Ginoo. Mainit ang romansa. Domingo ang suwerte mong adlaw ug 5, 8, 2 ang palaran mong numero.
TAURUS – (Abril 21 – Mayo 21) – Niining semanaha matuman na ang gidamgong pangandoy sa imong kinabuhi. Mahinayon ka na pagbiyahe. Tabangan ka sa imong igsoon nga tua na magpuyo sa laing nasod. Makahibalag kag binuhat nga mounong kanimo. Suwerte mong adlaw ang Sabado ug palaran mong numero ang 7, 1, ug 4.
GEMINI – (Mayo 22 – Hunyo 21) – Mosapigad ang paborableng kahigayonan diha kanimo. Makabaton kag kaharuhay sa imong kahimtang. Gustong makigsosyo kanimo ang imong igsoon. Apan pagmatngon kay tingalig bolatikan ka lang niya. Makapiyong kas lahing kalalim. Biyernes ang suwerte mong adlaw ug 3, 7, 5 ang palaran mong numero.
CANCER – (Hunyo 22 – Hulyo 22) – Niining semanaha moabot na ang insentibo nga imong gihulat. Mapalit mo na ang gusto mong paliton. Mahinayon na ang imong giplano nga makasulbad sa imong kalisod. Ayaw paglugak sa pag-ampo. Dugosnon ang romansa. Suwerte mong adlaw ang Miyerkoles ug palaran mong numero ang 1, 5, 2.
CAPRICORN – (Disyembre 22 – Enero 21) – Niining semanaha matapos na ang imong gipulawan nga pagtuon. Daghan ang makadayeg sa imong gihuptang talento. Magpabilin kang mapaubsanon bisan sa imong pagka inila. Makalikay ka sa tentasyon nga di ka makasala. Suwerte mong adlaw ang Huybes ug palaran mong numero ang 2, 1, ug 9.
LEO – (Hulyo 23 – Agosto 23) – Sangonan kag dugang trabaho sa bag-o mong asaynment. Ayaw pagbalibad kay adunay promosyon nga giandam alang kanimo. Di mo angayng palabyon kining talagsaong kahigayonan. Maangkon mo ang dugay nang gipangandoyng himaya. Huybes ang suwerte mong adlaw ug 4, 8, 9 ang palaran mong numero.
VIRGO – (Agosto 24 – Septiyembre 23) – Niining semanaha makadawat kag tawag sa imong igsoon nga tua sa abroad. Makapahimuot ang iyang balita. Tukoran kag negosyo. Ayaw palabya ang maong pabor aron masulbad ang imong kalisod. Makadimdim kag dugosnong romansa. Suwerte mong adlaw ang Domingo ug palaran mong numero ang 9, 3, ug 7.
LIBRA – (Septiyembre 24 – Oktubre 23) – Manglimbasog ka aron di matumboy. Doblehon mo pa ang imong kakugi. Ipakita mo sa imong ugangan nga kaya nimong buhion ang imong pamilya. Makiglambigit ka sa kalihokan sa simbahan. Modungan kag hangos sa pagtungas sa himaya. Martes ang suwerte mong adlaw ug 6, 5, 7 ang palaran mong numero.
SAGITTARIUS – (Nobiyembre 23 – Disyembre 21) – Makapandol kag suwerte sa imong paglangyaw. Makabaton kag pagsalig sa imong kaugalingon. Ayaw paglugak sa imong pagpaningkamot. Makab-ot ra ang imong gipangandoy sa kinabuhi. Masum-ok kag abentura sa gugma nga di malimtan. Sabado ang suwerte mong adlaw ug 4, 7, 3 ang palaran mong numero.
SCORPIO – (Oktubre 24 – Nobiyembre 22) – Niining semanaha masugatan mo ang kanhi mong higala. Mabanhaw ang inyong panagsuod. Dako ang purohan nga mapukaw ang imong pagbati ngadto kaniya. Apan hatagan mog prayoridad ang imong pagtuon. Daling makadani ang imong pahiyom. Suwerte mong adlaw ang Biyernes ug palaran mong numero ang 5, 6, 8.
AQUARIUS – (Enero 22 – Pebrero 19) – Mabayaran na ang imong nautang. Makamao ka nang modaginot sa imong kinitaan. Mogahin kag panahon alang sa simbahan. Ipadayon mo ang giplanong adbokasiya alang sa kaayohan sa kabataan. Kusog ang imong sex appeal. Miyerkoles ang suwerte mong adlaw ug 9, 6, 3 ang palaran mong numero.