ANNE CURTIS,

Nakasinati og Depresyon ug Anxiety Disorder

IMBES itago, gibutyag na hinuon sa kadaghanan. Kini ang gibuhat ni Anne Curtis dihang iyang giangkon nga miagi siya sa grabeng depresyon ug anxiety disorder. Niya pa, usa sa mga hinungdan nganong nakasinati siya og depresyon mao ang naangkon niyang atensiyon gikan sa mga tawo labi na gikan sa media.

“I had my fair share of depression and anxiety, a lot has to do with, in fact, the press, and having the stress of press when I was going through something very, very tough!” butyag pa sa aktres.

Apan matod pa sa dalaga nga dili kini angay ikaulaw. Gani, iya pang giaghat ang mga tawo nga miagi sa ingon ani nga sitwasyon nga dili mahadlok o maulaw pagpangayo og tabang sa pamilya, higala, o bisan sa usa ka espesyalista.

“I think it’s really important to not keep it to yourself. You seek help. You seek help from your friends. Don’t be ashamed. You seek help from your family, from people who love you. You can even seek professional help if you feel uncomfortable talking to family members and friends about it, but the most important thing is to seek help,” pu’ng pa sa aktres.

Wala man tuod idetalye ni Anne ang iyang giagian nga depresyon, gipahat niya nga dako og natabang ang mga tawo nga nag-alirong niya aron makasugakod ug mabuntog ang giatubang nga problema. Sa ilang pamilya, dili kay siya ra ang miagi og depresyon, ang iyang igsoon nga Jasmine Curtis nakasinati usab niini.

Usa si Anne sa giidolo sa kabataan sa nasod. Ug gawas nga aktibo siya sa paghimo og pelikula, concerts ug hosting sa “It’s Showtime”, usa usab siya ka recording artist.

Pagka karon, busy si Anne sa pagpangandam sa gibidahan niyang action movie, ang “Buybust” ug miangkon nga tinuod nga last na ang gipahigayon niyang 3rd Big Dome Concert sa pagsaulog sa ika-21 nga anibersaryo niya sa showbiz aron mag- concentrate na siya sa iyang pagarte.—