Mirror Of Fortune

(ANG INYONG KAPALARAN SA AGOSTO 29 – SEPTIYEMBRE 4, 2018)

PISCES – (Pebrero 20 – Marso 20) – Maymayan mo ang imong anak nga magtininuod na sa pageskuyla. Kinahanglan nga mangandam siya alang sa umaabot. Doblehon mo pa ang imong kakugi aron makasalbo ang imong kinitaan. Tugbangan mo ang parayeg sa imong kapikas. Miyerkoles ang suwerte mong adlaw ug 3, 4, 2 ang palaran mong numero.

ARIES – (Marso 21 – Abril 20) – Niining semanaha makadawat ka na sa gipaabot mong insentibo. Mangita kag paagi nga madugangan ang imong income. Di ka angayng moundang sa kalihokan sa simbahan. Magmakugihon ka. Makapahigalam ang matagbawong romansa. Suwerte mong adlaw ang Domingo ug palaran mong numero ang 5, 7, 8.

TAURUS – (Abril 21 – Mayo 21) – Makatawag sa atensiyon ang imong bag-ong disenyo. Kinahanglan nga mag- mass production ka kay daghang mamalit sa imong produkto. Mogahin kag kantidad nga imong idonar sa simbahan. Makasinati kag lahing abentura sa gugma. Biyernes ang suwerte mong adlaw ug 9, 1, 2 ang palaran mong numero.

GEMINI – (Mayo 22 – Hunyo 21) – Niining semanaha daghan ang makamatikod sa lahing awra sa imong personalidad. Kuhaon kang kandidata sa uska indigay sa katahom. Magpabilin kang dupot nga magserbisyo sa simbahan. Modungan ka paghangos sa kalalim. Suwerte mong adlaw ang Sabado ug palaran mong numero ang 3, 8, ug 5.

CANCER – (Hunyo 22 – Hulyo 22) – Makadawat kag abiso nga madawat ka na sa giaplayan mong trabaho. Magpasalamat ka sa Ginoo kay gidungog ang imong pag-ampo. Ipadayon mo ang imong pagpasakop sa kapunongan sa simbahan. Maanod ka sa kagilok sa hapuhap. Huybes ang suwerte mong adlaw ug 7, 4, 1 ang palaran mong numero.

CAPRICORN – (Disyembre 22 – Enero 21) – Makahulam kag kuwarta nga idugang sa imong puhunan. Moasenso ang imong patigayon basta di ka mapahitas-on sa imong isigkaingon. Ayaw kalimot sa pagpangaliya sa Kahitas-an. Magmalungtaron ang relasyon nga imong sudlan. Domingo ang suwerte mong adlaw ug 6, 7, 9 ang palaran mong numero.

LEO – (Hulyo 23 – Agosto 23) – Niining semanaha matugkad mo na ang buot ipasabot sa gisulti sa imong ugangan. Doblehon mo pa ang imong kakugi. Magtigom kag kuwarta aron di magkalisod-lisod sa panginahanglan. Mogamit kag baryasyon sa pagpakighagwa. Suwerte mong adlaw ang Martes ug palaran mong numero ang 9, 3, 6

VIRGO – (Agosto 24 – Septiyembre 23) – Putlon mo na ang pagkasugamak sa bisyo. Itingob mo na ang panahon sa mapuslanong butang. Moapil kas mga aktibidad sa simbahan. Walay imposible kon buhaton lang sa dupot. Mahilambigit kag usa ka sekretong relasyon. Lunes ang suwerte mong adlaw ug 9, 4, 5 ang palaran mong numero.

LIBRA – (Septiyembre 24 – Oktubre 23) – Niining semanaha magpakabana ka pag-apil sa kalihokang pangkomunidad. Daghan ang makauyon sa imong suhestiyon. Bahinon mo ang imong panahon sa trabaho ug sa kalihokang tsaritabol. Moagpas ka paghangos aron maabot ang himaya. Suwerte mong adlaw ang Martes ug palaran mong numero ang 7, 3, ug 6.

SAGITTARIUS – (Nobiyembre 23 – Disyembre 21) – Niining semanaha mopakita kag kadasig sa pagtuman sa imong asaynment. Di madugay maapil ka sa listahan nga ma- promote. Kinahanglan nga di ka magpaluho sa imong trabaho kay lisod karong panahona. Kusog ang imong karisma. Suwerte mong adlaw ang Sabado ug palaran mong numero ang 4, 6, 8.

SCORPIO – (Oktubre 24 – Nobiyembre 22) – Makadiparal ka sa lahing batasan sa imong manghod. Gamitan mog diplomasya ang pagpanton kaniya. Di mo pasagdan nga masimang siya sa maayong dalan sa kinabuhi. Mag-ampo ka aron buligan sa Ginoo. Matagbawon ang romansa. Biyernes ang suwerte mong adlaw ug 2, 8, 3 ang palaran mong numero.

AQUARIUS – (Enero 22 – Pebrero 19) – Niining semanaha inspirado kang humanon ang imong gimbuhaton. Dawaton mo ang gitanyag nga ekstrang trabaho. Makat-on kang magdaginot tungod sa dakong galastohan. Magmalaomon ka. Di mo malimtan ang mainit nga romansa. Suwerte mong adlaw ang Huybes ug palaran mong numero ang 2, 8, ug 5.