Liza Diño

GIPALIG-ON ANG PUNDASYON SA INDUSTRIYA SA PELIKULANG PILIPINO

Bisaya - - Pangunahing Pahina - NI HIMAYA A. DAGOHOY HULAGWAY KUHA NI WILSON FERNANDEZ

Aron makatrabaho o makapalit og bisan unsa. ubp. Basaha-Manila Bulletin Advertisements & Classified Ads

SA mga alagad sa arte sa pelikulang Pilipino, usa si Liza Diño sa mga kugihan sa walay hunong niining pagtabang sa mga artista ug sa mga tawo sa likod sa kamera. Siya karon ang kasamtangang tsirman ug CEO sa Film Development Council of the Philippines.

Kahinumdoman nga human siya modaog isip Mutya ng Pilipinas-Tourism International, nahimong kabahin si Lisa sa GMA-7 Artist Center ug migawas sa pipila ka TV shows ug soap opera. Kahinganlan dinhi ang “KakabaKaba Adventures”, “Daddy Di Do Du”, “Atlantika” ug “Bakekang”. Nakaapil usab siya sa teyatro pinaagi sa Dulaang University of the Philippines ug migawas siya sa “Passion of the Christ”, “Winter’s Tale” ug daghan pang uban.

Una natong nakita si Liza sa pelikula niadtong 1999 sa “Hey Babe” sa Star Cinema

nga gibidahan nila ni Jolina Magdangal ug Marvin Agustin.

Sa dihang natapos niya ang kursong BA in Speech and Communications sa UP, sunod- sunod nga nabaid ang iyang pag-arte sa pelikula. Niadtong 2002, nasaksihan siya sa “Two Timer” sa Regal Films nga gibidahan nila ni Ara Mina ug Albert Martinez. Gisundan kini sa pelikulang “Xerex” ni Aubrey Miles ug Jake Roxas, “A Love Story” kauban sila si Aga Muhlach, Angelika Panganiban ug Maricel Soriano, ug daghan pang uban.

Gawas sa iyang pagka multiawarded actress, nakaangkon usab si Liza og certificate program sa Culinary Arts sa Le Cordon Bleu of Culinary Arts ug nahimo siyang chef sa Spago Restaurant sa Beverly Hills.

Niadtong Agosto 12, 2016, gitudlo siya ni Presidente Rodrigo Duterte nga maoy modumala sa FDCP. Dinhi, nakaangkon og satisfaction si Liza sa iyang trabaho isip pangulo sa maong buhatan bisan pa og nasakripisyo ang iyang acting career.

“Siguro right now po, nandoon ako sa I’m just really happy that I’m seeing results somehow on the support that FDCP has been providing. The programs na ginagawa namin is creating opportunities at the sametime, kahit papaano nakakatulong. So siguro in that aspect, I feel like okay lang na medyo naka-stall ‘yung my own career right now. Of course minsan ‘pag nakakapanood ako ng sobrang gandang pelikula, tapos with an amazing actress parang, “Hay, kailan ko kaya siya magagawa ulit?’” pahayag ni Liza nga nagpahiyom. Giangkon niya nga gimingaw siya ug gianugnan nga dili pa siya makaarte karon atubangan sa kamera. Labi na kon dunay mga proyekto nga itanyag kaniya nga dili niya mabuhat unya mahiapil diay sa film festival. Kay nakasinati na man god siya nga dunay usa ka proyekto nga ang prodyuser naghuwat gyod niya nga iya kining mahimo, apan iyang gibalibaran tungod sa daghan niyang trabaho sa FDCP. Apan wala siya magmahay, hinuon nagmalipayon siya. “But I’m happy to be able to support. Kasi ang hirap din naman as FDCP chair, tapos ‘yung film mo ‘yung nandoon, parang ang weird,” pu’ng pa ni Liza. Maoy iyang priority karon ang FDCP ug ang pagpalig-on sa pundasyon sa industriya sa pelikulang Pilipino. Kini ang dako niyang pangandoy. Kay niya pa, “I’m here not for a long time, di ba? Mapapalitan ako and in the future I wanna make sure kung ano ‘yung magagawa ko. Right now that I’m here, can be institutionalized… something na puwede siyang magkaroon ng continuity.” Tungod niini, nahapokus karon ang iyang atensiyon sa pagpalig-on sa pundasyon sa industriya nga iyang gisudlan. Kay matod pa niya, daghang buslot sa industriya nga angay trabahoon. Gikan sa isyu sa mga trabahante sa pelikula, sa paghatag og oportunidad sa mga filmmaker nga makita ang ilang minugna ug aron usab makahatag og dalan aron makakat-on silag bag-ong mga butang ug makapangitag lainlaing tinubdan nga makatabang nila ug moangat ang lebel sa paggama nilag pelikula. Dako karon nga misyon ni Liza pinaagi sa gipadagan niyang ahensiya ang pagtabang nga makakita og pundo, motaas ang production value sa mga pelikula ug matunan ang daghang butang sa industriya nga kinahanglang tun-an. Sa malamposong pagpahigayon sa Pista ng Pelikulang Pilipino niadtong Agosto 15-21, nagalaom siya nga mahimo na kining tinuig nga kalihokan. Dili man tuod kuno kini perpekto apan mahimo kining maugmad. Sa sunod nga mga tuig, gipanaad ni Liza nga iyang paningkamotan nga hingpit nga makab-ot ang tumong nga makapasundayag og maayong kalidad nga pelikula nga may kalabotan sa panghitabo sa atong panahon.—

Newspapers in Cebuano

Newspapers from Philippines

© PressReader. All rights reserved.