Mirror Of Fortune
PISCES – (Pebrero 20 – Marso 20) – Niining semanaha atimanon mo ang nataligam-an nga trabaho. Itingob na ang imong panahon sa bag-o mong asaynment. Makadesider ka nang biyaan ang imong mga bisyo. Moapil ka na sa kalihokan sa simbahan. Kusog ang imong karisma. Suwerte mong adlaw ang Lunes ug palaran mong numero ang 5, 4, 3.
ARIES – (Marso 20 – Abril 20) – Makakaw-it sa atensiyon sa mga kritiko ang bag-o mong obra. Mobalik kaaktibo ang imong malalangong imahinasyon. Dako ang purohan nga makadaog ang imong salmot sa indigay. Makahibalag kag binuhat nga mohatag og pagdasig kanimo. Martes ang suwerte mong adlaw ug 9, 2, 5 ang palaran mong numero.
TAURUS – (Abril 21 – Mayo 21) – Niining semanaha mopakita kag talagsaong abilidad. Magmabungahon ang imong mga paningkamot. Di ka makabalibad sa mohangyo kanimo. Duol ang imong kasingkasing sa mga kabos. Masum-ok kag relasyon nga magmalungtaron sa panahon. Suwerte mong adlaw ang Huybes ug palaran mong numero ang 7, 3, 4.
GEMINI – (Mayo 22 – Hunyo 21) – Masabtan mo ang sitwasyon nga giatubang sa imong igsoon. Kinahanglan nga hatagan mo siyag suporta aron mabalik ang iyang pagsalig sa kaugalingon. Mogahin kag panahon alang sa simbahan. Di ka makabalibad sa kidhat sa imong kapikas. Sabado ang suwerte mong adlaw ug 2, 9, 1 ang palaran mong numero.
CANCER – (Hunyo 22 – Hulyo 22) – Niining semanaha moluwat kag mahinungdanong desisyon. Kinahanglan nga masulbad ang imong problemang pinansiyal. Dawaton mo na ang gitanyag nga ekstrang trabaho. Ayaw kalimot sa pag-ampo. Ikapahungaw na ang imong pagbati. Suwerte mong adlaw ang Domingo ug palaran mong numero ang 5, 1, 2.
CAPRICORN – (Disyembre 22 – Enero 21) – Niining semanaha makadawat kag abiso nga mapublikar ang imong sinulat. Gidungog gayod ang imong mga pangaliya sa Kahitasan. Ipadayon ang imong pagbugtaw alang sa maayong kaugmaon. Gusto kang motungab sa saro sa himaya. Suwerte mong adlaw ang Martes ug palaran mong numero ang 1, 6, 5.
LEO – (Hulyo 23 – Agosto 23) – Makalingkawas ka na sa imong obligasyon. Kinahanglan nga di mabulingan ang imong reputasyon. Dako ang pagrespeto sa imong kaubanan sa trabaho. Ipadayon ang imong maayong binuhatan. Makigdungan ka pagtungas sa tuktok sa himaya. Biyernes ang suwerte mong adlaw ug 8, 6, 3 ang palaran mong numero.
VIRGO – (Agosto 24 – Septiyembre 23) – Niining semanaha mangita kag diskarte nga humanon ang imong proyekto kay molapas na kini sa dedlayn. Magmalaomon kang way kabilinggan nga mobabag sa imong mga plano. Isalig ang tanan sa Diyos. Panuntan mo ang aghat sa kidhat. Suwerte mong adlaw ang Biyernes ug palaran mong numero ang 3, 8, 6.
LIBRA – (Septiyembre 24 – Oktubre 23) – Walay makapakgang sa imong mga tinguha. Panuntan mo lang kini sa madupoton mong kakugi. May motabang kanimo nga makab-ot ang imong gipangandoy sa kinabuhi. Ayaw pagpasagad sa imong panglawas. Hatagan mog atensiyon ang emosyon. Sabado ang suwerte mong adlaw ug 4, 2, 8 ang palaran mong numero.
SAGITTARIUS – (Nobiyembre 23 – Disyembre 21) – Tagdon mo ang tawag sa balaanong buhat. Mogahin kag panahon nga motabang sa imong isigkaingon. Ipadayon mo gihapon ang imong pagtuon bisag daghan kang asikasohon sa imong outreach program. Matagbawon ang romansa. Miyerkoles ang suwerte mong adlaw ug 8, 7, 2 ang palaran mong numero.
SCORPIO – (Oktubre 24 – Nobiyembre 22) – Niining semanaha daghan ang mosanong sa imong awhag nga mosuportar sa imong adbokasya. Di mo pasagdan nga mahitumpawak sa kaalaotan ang kabatanonan. Di ka molugak nga maduol sila sa Diyos. Magmabungahon ang imong pagmanggad. Suwerte mong adlaw ang Huybes ug palaran mong numero ang 6, 5, 3.
AQUARIUS – (Enero 22 – Pebrero 19) – Ligonon mo ang imong kinabuhing espiritwal. Mokuyog ka pagsangyaw sa Maayong Balita. Biyaan mo na ang imong mga bisyo. Mosubay ka na sa tul-id nga dalan sa kinabuhi. Motabang ka sa mga kabos. Molikay ka sa tentasyon. Domingo ang suwerte mong adlaw ug 2, 3, 6 ang palaran mong numero.