Lubnganan sa Kalinaw

Bisaya - - Showbiztsika -

Gitalikdan ko ang yuta sa mga saad niadtong nagsabak sa kalinaw ang kinaiyahan, niadtong tam-is paminawon ang huni sa nagkiat nga mga langgam, niadtong nindot sud-ongon ang lumba sa mga balod padulong sa baybayon, niadtong may katungod ang mga alaot ug sinalikway nga isugilon ang ilang kalisod taliwala sa kasamok, niadtong gawasnon ang pagtukod og templo sa mga damgo. Mao kini ang panahon nga akong gitalikdan, ang panahon nga may kaugalingong dapit ang tinguha ug paglaom, ang panahon nga gihulma sa kalipay ang dagway sa pagdumot ug kasilag, ang panahon nga simbolo sa gihandom nga kauswagan

ang mga taytayan sa panaghiusa.

Apan sa akong pagduaw aron ihalad sa templo sa mga damgo ang nakab-ot nga kalamposan, siyagit sa nanglupad nga mga bala ug makabungog nga buto sa naglagot nga mga kanyon ang misugat kanako. Ang kaniadto uha sa batang bag-ong nahimugso, karon danguyngoy na sa mga nailo sa inahan! Kon walay luna ang panaghiusa taliwala sa kasamok, pasagding ihatod ko ang kalinaw sa iyang lubnganan! OMER OSCAR B. ALMENARIO General Trias, Cavite

Newspapers in Cebuano

Newspapers from Philippines

© PressReader. All rights reserved.