(ANG INYONG KAPALARAN SA OKTUBRE 3 - 9, 2018)

Bisaya - - Sweet Jazmine - Ni Madam Gertrudes-Lee

PISCES – (Pebrero 20 – Marso 20) – Makakaton kag bag-ong pamaagi sa panginabuhi. Daghan ang moawat sa bag-o mong nakat-onan. Doblehon mo pa ang imong kakugi aron maseguro ang imong gitinguha nga magmalamposon. Di mapiog ang imong baroganan. Kusog ang imong karisma. Lunes ang suwerte mong adlaw ug 3, 7, 6 ang palaran mong numero.

ARIES – (Marso 21 – Abril 20) – Niining semanaha aduna kay importanteng pakigsabotan sa imong mga igsoon. Kinahanglan nga masabtan nila ang bulawanon mong tumong. Matag usa maningkamot aron makab-ot ang kalamposan. Makasinati kag romantikong abentura. Suwerte mong adlaw ang Huybes ug palaran mong numero ang 8, 7, ug 2.

TAURUS – (Abril 21 – Mayo 21) – Maanad ka na sa bag-o mong asaynment sa trabaho. Makalingkawas ka na sa imong obligasyon sa mga utang. Makat-on ka nag leksiyon sa imong kasinatian. Magbag-o ka na sa imong hiwing batasan. Masum-ok kag relasyon nga magmalungtaron. Sabado ang suwerte mong adlaw ug 4, 3, 9 ang palaran mong numero.

GEMINI – (Mayo 22 – Hunyo 21) – Niining semanaha mopaundayon ang maayong kahigayonan sa imong pagpanglimbasog. Magmabungahon ang imong pagkugi. Dako ang purohan nga modako ang ganansiya sa imong negosyo. Dunggon na ang imong pag-ampo. Dugosnon ang romansa. Suwerte mong adlaw ang Biyernes ug palaran mong numero ang 2, 8, 6.

CANCER – (Hunyo 22 – Hulyo 22) – Makalikay ka sa kabilinggan nga moali sa imong padulngan. Angayng magmatngon ka kanunay. Di ka malimot sa pagsangpit sa Ginoo. Ipadayon mo ang imong pagserbisyo sa simbahan. Makahibalag kag binuhat nga makasabot kanimo. Miyerkoles ang suwerte mong adlaw ug 6, 5, 3 ang palaran mong numero.

CAPRICORN – (Disyembre 22 – Enero 21) – Pagmatngon nga di ka mahitumpawak sa kaalaotan. Sangpit kanunay sa Kahitas-an nga di ka pasagdan sa imong pagpaningkamot. Magmatinud-anon ka sa imong gisaad. Magmalamposon ka. Makapiyong kas hilabihang katagbaw. Domingo ang suwerte mong adlaw ug 4, 7, 3 ang palaran mong numero.

LEO – (Hulyo 23 – Agosto 23) – Niining semanaha daghan ang moabiba sa imong kalamposan. Gantihan gayod ang mag-antos. Ayaw paglugak sa imong pagpaningkamot. Daghan ka pag matabangang kabos. Himoon kang modelo sa imong mga igsoon. Mainit ang romansa. Suwerte mong adlaw ang Lunes ug palaran mong numero ang 9, 4, ug 7.

VIRGO – (Agosto 24 – Septiyembre 23) – Andam kang makigkompromiso alang sa kalinaw ug kahapsay sa panimalay. Gamitan mog diplomasya ang pagpanton sa imong mga manghod. Tudloan mo sila sa maayong pamatasan. Di ka mapakyas sa imong tinguha. Maagni kas pahiyom. Martes ang suwerte mong adlaw ug 8, 3, 2 ang palaran mong numero.

LIBRA – (Septiyembre 24 – Oktubre 23) – Niining semanaha makat-on ka na pagbadyet sa imong kinitaan. Modako na ang galastohan sa eskuylahan ug mahal na ang mga palaliton. Mangita kag paagi nga madugangan pa ang imong income. Makadimdim kag dugosnong kalalim. Suwerte mong adlaw ang Miyerkoles ug palaran mong numero ang 9, 3, 7.

SAGITTARIUS – (Nobiyembre 23 – Disyembre 21) – Niining semanaha mokusog ang halin sa imong produkto. Madugangan ang imong suking mga kostumer. Ipadayon mo ang maayo mong pagtagad kanila. Mogahin kag kantidad nga idonar sa simbahan. Mogamit kag baryasyon sa dula sa kama. Suwerte mong adlaw ang Sabado ug palaran mong numero ang 5, 6, ug 7.

SCORPIO – (Oktubre 24 – Nobiyembre 22) – Makakaplag kag maayong pamaagi sa pagpakigdeal sa imong isigkaingon. Mapatunhay mo ang imong pagpakiglambigit sa kalihokang tsaritabol. Agnihon mo ang imong kabanay nga mahiduol sa Diyos. Makarelasyon kag binuhat nga maunongon. Biyernes ang suwerte nimong adlaw ug 6, 5, 8 ang palaran mong numero.

AQUARIUS – (Enero 22 – Pebrero 19) – Niining semanaha adunay tawong moduol kanimo nga mangayog hinabang. Ayaw ihikaw ang imong ikaluoy kay ang Diyos na ang mobalos kanimo. Daghan ang mosuportar sa imong adbokasiya. Matugbangan mo ang kamainiton sa romansa. Suwerte mong adlaw ang Martes ug palaran mong numero ang 2, 1, 9.

Newspapers in Cebuano

Newspapers from Philippines

© PressReader. All rights reserved.